ەلورداداعى SOS بالالار اۋىلىندا كوڭىلدى ستارت جارىسى ءوتتى.
بايقاۋ ەستافەتالىق ويىن مەن قىزىقتى كونكۋرس تۇرىندە ۇيىمداستىرىلدى. بالالاردى قولداۋ ءۇشىن الماتى اۋدانىنىڭ اكىمى ەرماعانبەت بولەكپاەۆ, گرەك-ريم كۇرەسىنەن ەكى دۇركىن الەم چەمپيونى, اتلانتاداعى وليمپيادا چەمپيونى, قازاقستاننىڭ سپورت شەبەرى يۋري مەلنيچەنكو, افينىداعى وليمپيادانىڭ كۇمىس جۇلدەگەرى, لوندونداعى وليمپيادانىڭ قولا جۇلدەگەرى, ريو-دە-جانەيروداعى وليمپيادانىڭ كۇمىس جۇلدەگەرى, قازاقستاننىڭ سپورت شەبەرى گۇزەل مانيۋروۆا, كيكبوكستان ەكى دۇركىن الەم چەمپيونى نۇربولات رىسماعانبەتوۆ جانە ەلوردالىق باپكەرلەر ارنايى كەلدى.
– بۇگىنگى مەرەكەگە كوك بايراعىمىزدى دۇنيە جۇزىنە تانىتقان ساڭلاق سپورتشىلارىمىز قاتىسۋدا. ولار سەندەرگە تاماشا رۋح پەن جەڭىسكە دەگەن ۇلكەن سەنىم سىيلايتىنىنا سەنەمىن. ارقاشان دەندەرىڭ ساۋ بولسىن. وقۋدا تابىستارعا جەتە بەرىڭدەر! – دەدى ە. بولەكپاەۆ.
قوناقتار جەتكىنشەكتەردىڭ سپورتتىق تالىمگەرلەرى بولدى. دودا بارىسىندا ءبۇلدىرشىندەردى قاناتتاندىرىپ, كەڭەستەر بەرىپ وتىردى.
– وسىنداي ەرەكشە شاراعا قاتىسىپ وتىرعانىما وتە قۋانىشتىمىن. سپورت ادامداردى اركەز جاقىنداستىرادى, بىرلىككە شاقىرادى. مەن بۇرىنىراق بالالار باپكەرى بولىپ جۇمىس ىستەگەنمىن, كىشكەنتايلارمەن ۋاقىت وتكىزۋ ماعان قاتتى ۇنايدى, – دەپ اعىنان اقتارىلدى ءوز كەزەگىندە گ. مانيۋروۆا.
بۇل كۇننەن ەستەلىك رەتىندە بارلىق قاتىسۋشىعا سىيلىقتار ۇلەستىرىلدى.
بوتاگوز ماراتقىزى
