اشارشىلىققا باعا بەرىلسە…
سەناتور مۇرات باقتيارۇلى ساياسي قۋعىن-سۇرگىندەردىڭ قاسىرەتىنە جانە اشارشىلىق قۇرباندارىنا ۇكىمەت دەڭگەيىندە رەسمي قۇقىقتىق باعا بەرەتىن شەشىم شىعارۋ قاجەتتىگىن مالىمدەدى.
حالىقشىل دەپۋتات اشارشىلىقتىڭ قۇربانى بولعان وتانداستارىمىزدىڭ ورتاق ءتىزىمىن جاساپ, عىلىمي-زەرتتەۋ ورتالىعىن قۇرۋدى ۇسىندى. ونىڭ پايىمداۋىنشا, زوبالاڭ جىلداردىڭ قايعى-قاسىرەتى مەن سالدارىن ءالى دە كەڭىنەن ايتىپ, باق-تار مەن كينو ارقىلى جاس ۇرپاقتىڭ ساناسىنا ءسىڭىرۋ – ءبارىمىزدىڭ مىندەتىمىز.
ول 1930-33 جىلدارى اتاقونىسىندا تۇراتىن قازاق حالقى تەڭ جارتىسىنان ايىرىلعانىنا, مۇنداي اسا اۋىر قاسىرەتتى بىردە-ءبىر حالىق باستان وتكەرمەگەنىنە توقتالدى. الاپات زۇلمات قازاق ۇلتىنىڭ ءوسىمىن كەم دەگەندە 100 جىلعا كەيىن شەگەرىپ تاستاعانىن تىلگە تيەك ەتتى. «ايتا كەتەرلىگى, مۇنداي اشارشىلىق قازاقستاندا تۇراتىن باسقا ۇلتتارعا دا قاسىرەت اكەلدى. مىسالى, قازاقستاندىق ۇيعىرلاردىڭ 13 پايىزى, ۋكرايندار مەن نەمىستەردىڭ 11 پايىزى, تاتارلاردىڭ 10 پايىزى, وزبەكتەردىڭ 8 پايىزى, ورىستاردىڭ 6 پايىزى اشارشىلىققا ۇشىرادى. قازىر دەموگراف ماماندار قولدان جاسالعان وسى اشارشىلىق بولماسا, قازىرگى كەزدە ءبىزدىڭ حالقىمىزدىڭ سانى 45 ميلليونعا جەتۋى مۇمكىن ەكەنىن دالەلدەپ ءجۇر» دەدى دەپۋتات ۇكىمەت باسشىسى باقىتجان ساعىنتاەۆتىڭ اتىنا جولداعان ساۋالىندا. دەپۋتات اشارشىلىق تاريحى مەن ونىڭ زاردابىن وزگە ءبىر حالىقتان كەك الۋ ءۇشىن ساياسي ويىن قۇرالىنا اينالدىرۋعا بولمايدى دەپ سانايدى.