اسلان رىسپاەۆ, استانا قالاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى سىبايلاس جەمقورلىق تۋرالى iستەردi اشۋ جانە ونىڭ الدىن الۋ 2-باسقارماسىنىڭ باسشىسى
– استانا قالاسىندا سىبايلاس جەمقورلىقتىڭ اشىلۋ دەڭگەيى قانداي؟
– ەسەپتىك كەزەڭدە دەپارتامەنتتىڭ جەدەل-تەرگەۋ جۇمىسىنىڭ ناتيجەلەرى, جالپى, وڭ ديناميكانى كورسەتىپ وتىر. قابىلدانعان ءىس-شارالار ءناتيجەسىندە 84 سىبايلاس جەمقورلىق قىلمىسى اشىلدى, بۇل وتكەن جىلعى كورسەتكىشتەن 1,5 ەسە جوعارى نەمەسە 55-تەن 84-كە دەيىن ارتقان. انىقتالعان زالال سوماسى 29,7 ملن تەڭگەنى, وتەلگەن زالال سوماسى 3 ملن تەڭگە, ال مۇلىككە سالىنعان تىيىم 13,3 ملن تەڭگەنى قۇرادى.
– ناقتى قانداي ىستەرگە تەرگەۋ جۇرگىزىلدى؟
– ەسەپتى كەزەڭدە 5 ادامعا قاتىستى 23 قىلمىستىق ءىس قوزعالدى. اتاپ ايتقاندا 3 ءىس استانا قالاسى الماتى اۋدانىنىڭ سالىق باسقارماسىنىڭ سالىقتىق باقىلاۋ كوميتەتىنىڭ باسشىسى قالداربەكوۆكە جانە باس مامانى قاسەنوۆاعا قاتىستى بولسا, 20 ءىس قر ءبىلىم جانە عىلىم مينيسترلىگىنىڭ قارجى باسقارماسىنىڭ باستىعى قالدىباەۆقا, جاستار ساياساتى باسقارماسىنىڭ باستىعى يبراەۆقا, جانە باسقا دا انىقتالماعان ادامدارعا قاتىستى بولىپ وتىر. جوعارىدا اتالعان ىستەر بويىنشا تەرگەۋ امالدارى اياقتالىپ, سوت قاراۋىنا جولدانعان.
– جالپى, ەلوردادا جەمقورلىق قاي سالادا ءجيى كەزدەسەدى؟
– انىقتالعان قىلمىستارعا تالداۋ جۇرگىزەتىن بولساق, قوزعالعان بارلىق ىستەردىڭ 29 پايىزى نەمەسە 25-ءى مەملەكەتتىك ساتىپ الۋ سالاسىندا بولسا, توعىزى جەر قاتىناستارى سالاسىنا جانە التاۋى سالىق ورگاندارى مەن جول پوليتسياسىنا قاتىستى.
– ال, مەملەكەتتىك باعدارلامالارعا بولىنگەن قاراجاتتى وڭدى-سولدى پايدالانۋ وقيعالارى تىركەلدى مە؟
– استانا قالاسىندا ىسكە اسىرىلىپ جاتقان سالالىق جانە مەملەكەتتىك باعدارلامالارعا بولىنگەن قاراجاتتاردىڭ ماقساتتى پايدالانىلۋىن جەدەل قاداعالاۋ جۇمىسىنا كەلەتىن بولساق, انىقتالعان سىبايلاس جەمقورلىق قىلمىستار سانى 1-دەن 39-عا دەيىن ارتقان. بۇل باعىتتا نەگىزگىسىنەن باسىم استانا تۇرعىندارىنىڭ الەۋمەتتىك جاعدايىن جاقسارتۋعا ارنالعان «قولجەتىمدى تۇرعىن ءۇي», «100 مەكتەپ جانە 100 اۋرۋحانا», «بالاپان», «سالاماتتى قازاقستان», «جول كارتاسى» سەكىلدى باعدارمالار اياسىنداعى مەملەكەتتىك قاراجاتتىڭ ماقساتتى پايدالانىلۋى ەرەكشە باقىلاۋعا الىنعان.
اتالعان باعىتتاعى جۇمىستىڭ تيىمدىلىگىن ارتتىرۋ جانە ساپاسىن جاقسارتۋ ءۇشىن, مەملەكەتتىك جانە يننوۆاتسيالىق جوبالار بارىسىندا استانا قالاسىندا جۇزەگە اسىرىلىپ جاتقان 60-قا جۋىق نىساندار سىبايلاس جەمقورلىق تاۋەكەلدەرىنىڭ ايماقتىق پاسپورتىنا ەنگىزىپ, ولار بويىنشا بيۋدجەت قاراجاتتارىنىڭ كريمينالدى قوزعالىسى نىسانىنا مونيتورينگ جۇرگىزىلۋدە.
– جەمقورلىق ارەكەتتىڭ الدىن الۋ ءۇشىن دەپارتامەنت قانداي شارالاردى قولعا الۋدا؟
– «سىبايلاس جەمقورلىق قۇقىق بۇزۋشىلىق فاكتiسi تۋرالى حابارلاعان نەمەسە سىبايلاس جەمقورلىققا قارسى كۇرەستە وزگە دە جولمەن جاردەمدەسكەن ادامداردى كوتەرمەلەۋ قاعيدالارىن بەكىتۋ تۋرالى» ەل ۇكىمەتىنىڭ قاۋلىسىنا سايكەس 4 ازاماتقا جالپى سوماسى 444 480 تەڭگە تولەندى.
سىبايلاس جەمقورلىقتىڭ الدىن الۋ جانە ەسكەرتۋ شارالارى «نۇر وتان» پارتياسى, «اتامەكەن» وداعى جانە مەملەكەتتىك ەمەس قوعامدىق ۇيىمداردىڭ بىرلەسكەن كۇشىمەن ىسكە اسىرىلۋدا. دەپارتامەنتتىڭ تالداۋ-اقپاراتتىق بولىمىمەن بىرلەسكەن جۇمىستار ءناتيجەسىندە مەملەكەتتىك نەمەسە باسقا دا بيزنەس قۇرىلىمدارىنىڭ ىسىنە ارالاسپاي-اق, مەملەكەتتىك ساتىپ الۋ بارىسىنا مونيتورينگ جۇرگىزىلىپ, ءتيىمسىز باعا ۇسىنىمدارى دا انىقتالدى. بۇل رەتتە جانار-جاعار ماي, ازىق-تۇلىك, فورمالىق كيىمدەر, ۇساق تاس جانە ت.ب. ساتىپ الۋ كەزىندە ولاردىڭ ساتىپ الۋ باعالارىن اسىرىپ كورسەتۋ فاكتىلەرى بەلگىلى بولدى. وسىعان بايلانىستى ءارتۇرلى مەملەكەتتىك ورگاندارعا تاۋارلار ساتىپ الۋ بويىنشا جوسپارلاناتىن باعالاردى قايتا قاراۋ تۋرالى 9 ۇسىنىس جولدانىپ, ونىڭ 6-سى قاناعاتتاندىرىلدى, 64,5 ملن تەڭگە سوماسىندا بيۋدجەت قاراجاتتارىن ءتيىمسىز پايدالانۋ فاكتىسىنىڭ الدىن الدىق.
گۇلميرا ايماعانبەت
