الداعى جازدىڭ 27 شiلدە – 12 تامىز ارالىعىندا ۇلىبريتانيا استاناسى لوندوندا ححح جازعى وليمپيادا ويىندارى وتەدi. قازiرگi كۇندە الەمنiڭ ەڭ ۇزدiك سپورتشىلارى وسى جارىسقا ازiرلiك جاساۋ ۇستiندە. ەل مەن ۇلتتىڭ نامىسى سىنعا تۇسەتiن بايراقتى باسەكەگە قازاقستان سايىپقىراندارى دا قىزۋ دايىندالىپ جاتىر. بۇگiنگi كۇنگە دەيiن بiزدiڭ ەلدiڭ 65 سپورتشىسى لوندون ويىندارىنا قاتىسۋ ليتسەنزياسىن يەلەنiپ وتىر. ءالi دە ءۇمiت ارتقان قىز-جiگiتتەرiمiز جوق ەمەس.
لوندون ويىندارىنا جولداما بەرەتiن ەكi بiردەي جارىس استانا تورiندە وتەتiن بولىپ وتىر. اتاپ ايتقاندا, بۇگiن «داۋلەت» سپورت كومبيناتىندا گرەك-ريم, ەركiن جانە ايەلدەر كۇرەسiنەن ازيالىق iرiكتەۋ تۋرنيرi باستالادى. بۇل جارىسقا وسىعان دەيiنگi الەم بiرiنشiلiگiندە جولى بولماي, ليتسەنزياعا قولى جەتپەي قالعان بالۋاندار تۇگەلدەي كەلiپ وتىر. باس-اياعى 22 ەلدiڭ ۇكiلەپ اكەلگەن بالۋاندارى بەلدەسەتiن بولادى.
قازاق جانكۇيەرi تاقىمىن قىسىپ قولداۋ كورسەتەتiن بالۋاندارىمىزعا كەلسەك, ەركiن كۇرەستە اقجۇرەك تاڭاتاروۆ (66 كەلi), سەمەن سەمەنوۆ (84 كەلi) جانە ماريد مۋتاليموۆ (120 كەلi) بوز كiلەمدە باعىن سىنايتىن بولسا, گرەك-ريم كۇرەسiندە اسحات قۇدايبەرگەنوۆ (55 كەلi), دارحان باياحمەتوۆ (66 كەلi) جانە دانيال گادجيەۆ (84 كەلi) جولداما ءۇشiن تالاسقا تۇسەدi. ال ايەلدەر كۇرەسiندە ايىم ءابiلدينا (55 كەلi) مەن ەلەنا شالىگينا (63 كەلi) كۇرەسەتiن بولىپ وتىر.
بالۋاندار باسەكەسi مارەسiنە جەتiسiمەن تاعى بiر تارتىستى جارىسقا كۋا بولامىز. 5-12 ءساۋiر كۇندەرi ءدال وسى «داۋلەت» سپورت كومبيناتىندا بوكسشىلار تۋرنيرi وتەتiن بولىپ وتىر. بۇل جارىستا لوندون ويىندارىنا قاتىساتىن بىلعارى قولعاپ شەبەرلەرiن ايقىندايتىن بولادى.
بۇگiندە قازاقستان قۇراماسىندا 6 ليتسەنزيا بار. بىلتىر باكۋدە وتكەن الەم چەمپيوناتىندا 5 بوكسشىمىز جولداما السا, قانات ابۋتاليپوۆ WSB جۇيەسi بويىنشا وتكەن الەم بiرiنشiلiگiندە چەمپيون اتانىپ لوندون ويىندارىنا دا ليتسەنزيا ۇتىپ العان بولاتىن. ەندi ءتورت سالماق بويىنشا جولداما الۋعا تيiسپiز. بۇل مۇمكiندiكتi پايدالانىپ, وليمپيادا ويىندارىنا قاتىسۋعا جولداما جەڭiپ الۋ ءۇشiن بiرجان جاقىپ (49 كەلi), Iلياس سۇلەيمەنوۆ (52 كەلi), دانيار ەلەۋسiنوۆ (64 كەلi) جانە ۆاسيلي لەۆيت (91 كەلi) ايقاسقا تۇسەتiن بولىپ وتىر.
سونىمەن, ەلوردا تورiندە جاندى كۇيدiرiپ, قاندى قىزدىراتىن باسەكەلەر وتپەك. ولاي بولسا, ەل نامىسىن قورعاۋ ءۇشiن سىنعا تۇسەتiن قىز-جiگiتتەرiمiزگە قولداۋ بەرەيiك, اعايىن!
