قۇرمەتتى استانا قالاسىنىڭ تۇرعىندارى!
جالپىقالالىق سەنبىلىكتەر قالامىزدىڭ يگى داستۇرىنە, قالامىزدى تازا, ءارى ادەمى قالاعا اينالدىرۋدى قالاعان ءبارىمىز ءۇشىن ەڭبەك مەرەكەسىنە اينالدى. تازا قالا – بۇل تەك كوممۋنالدىق قىزمەتكەرلەردىڭ عانا ەمەس, سونداي-اق قالامىزدىڭ بارلىق تۇرعىندارىنىڭ ءىسى دەپ سانايمىز.
اۋلالار مەن كىرەبەرىس جولداردى تازارتۋ, بالالاردىڭ ويىن الاڭدارى مەن سپورت الاڭدارىن جونگە كەلتىرۋ, جاسىل كوشەتتەردى كۇزەۋ, جيەكتاستاردى اكتەۋ بارلىعىمىزدىڭ قولىمىزدان كەلەدى. اعاشتى وتىرعىزعان, ورىندىقتى جوندەگەن نەمەسە اۋلانى سىپىرىپ, تازارتقان ادام ءوز قولىمەن ىستەگەن ەڭبەگىن بۇلدىرمەيتىندىگى بەلگىلى.
بارلىعىمىز بىرگە اۋلاعا شىعىپ, ءاربىر اۋلانى, ءاربىر كىرەبەرىس جولدى, بەكىتىلگەن اۋماعىمىزدى تازالاپ, رەتكە كەلتىرەيىك, تۋعان قالامىزعا دەگەن سۇيىسپەنشىلىك پەن قۇرمەتتى ىسىمىزبەن دالەلدەپ, ءوز ۇلەسىمىزدى قوسايىق!
سۇيىكتى قالامىزدى ءسوز جۇزىندە ەمەس, وعان دەگەن قۇرمەتىمىز بەن سۇيىسپەنشىلىگىمىزدى ىسىمىزبەن دالەلدەپ, قالامىزدىڭ ودان دا قۇلپىرۋىنا ءبىر كىسىدەي ات سالىسايىق.
ءبىز, ەلوردا ءماسليحاتىنىڭ دەپۋتاتتارى, بارلىق استانالىقتارعا, كاسىپورىندار, مەكەمەلەر, وقۋ ورىندارىنىڭ باسشىلارى مەن ەڭبەك ۇجىمدارىنا, كاسىپكەرلەرگە, قوعامدىق جانە جاستار ۇيىمدارىنا ءوز اۋلاسىنىڭ, ءوز كوشەسىنىڭ اۋلاسىن تازالاپ, جيناستىرۋعا بەلسەندى قاتىسۋىن سۇرايمىز. تەك بىرلەسە وتىرىپ قانا ءبىز قالامىزدا قولايلى ءومىر ءسۇرۋ بويىنشا ايقىن جەتىستىكتەرگە قول جەتكىزەمىز.
ارداقتى استانالىقتار!
سىزدەردى قالا اكىمدىگىنىڭ باستاماسىن قولداپ, 21 قىركۇيەكتە قالا اۋماعىن اباتتاندىرۋ جانە كوگالداندىرۋ بويىنشا جالپىقالالىق سەنبىلىككە قاتىسۋعا شاقىرامىز.
قۇرمەتپەن, استانا قالاسىنىڭ دەپۋتاتتىق كورپۋسى.
