«استانا» – ءتورت دۇركىن سۋپەركۋبوك يەگەرى
الماتىداعى ورتالىق ستاديوندا «قايرات» پەن «استانا» قازاقستان سۋپەركۋبوگىن ساراپقا سالدى. بۇل ويىنمەن جاڭا فۋتبول ماۋسىمىنىڭ شىمىلدىعى ءتۇرىلدى.
ءبىر ماۋسىمدى ارتقا تاستاپ, تىڭايىپ كەلگەن ەكى كوماندانىڭ دا ساپىنا جاڭادان ويىنشىلار قوسىلعان. ءتىپتى ولاردىڭ كوبى العاشقى ويىنعا العاشقى مينۋتتاردان باستاپ ارالاستى. مىسالى, «استانا» كومانداعا جاقىندا اۋىسىپ كەلگەن رۋمىن دورين روتاريۋدى ءا دەگەننەن رەسمي ماتقا شىعارسا, «قايراتتىڭ» قاتارىندا بىردەن ءتورت بىردەي جاڭا ويىنشى نەگىزگى قۇرامدا وينادى. الماتىلىق كوماندانىڭ بۇل تاۋەكەلى كەرى ىقپالىن دا تيگىزدى. ويتكەنى شابۋىل شەبىندە ويىنشىلار ءبىر-ءبىرىن تۇسىنىسە الماي جاتتى. سونداي ۇرىمتال تۇستا جۋنيور كابانانگا قاقپاشىمەن بەتپە-بەت كەلىپ, دوپتى الىس بۇرىشقا جەرلەتە كىرگىزدى. ءبىرىنشى تايمنىڭ ەنشىسىندە – وسى جالعىز گول.
ەكىنشى تايمدا ويىنشىلار اۋىسىپ, ويىن قارقىنى كۇشەيە ءتۇستى. ءبىر تىڭ قورعاۋشىسىن شىعارعان «استانا» قورعانىسىن بەكەمدەپ, ەسەپتەگى باسىمدىقتى ۇستاۋعا تىرىستى. 65-مينۋتتا كابانانگانىڭ ايىپ الاڭىنا ەنبەستەن, الىستان تەپكەن دوبى ستاس پوكاتيلوۆ كۇزەتكەن قاقپادان تابىلدى. ەسەپ – 2:0. وسى كورسەتكىش ويىن سوڭىنا دەيىن ساقتالىپ, «استانا» ءتورتىنشى رەت قازاقستان سۋپەركۋبوگىن يەلەندى.
بۇل سۋپەركۋبوكقا 2015 جىلدان بەرى وسى ەكى كوماندا تالاسىپ كەلەدى. «استانا» بيىل «قايراتتى» ەكىنشى جىل قاتارىنان قاپى قالدىردى. الماتىدا وتكەن ماۋسىماشار ويىندى 16 مىڭ جانكۇيەر تاماشالادى.
بەكساتتار ساتتار