استانادا 30 شىلدەدەن باستاپ قالا ماڭىنداعى باعدارلارعا تاريفتىك ايماقتار ەنگىزىلەدى
ايماقتارعا ءبولۋ جۇيەسى – جول ءجۇرۋ اقىسىن تولەۋدىڭ ەلەكتروندىق جۇيەسى جوباسىن ەنگىزۋدىڭ دايىندىق كەزەڭى.
استانانىڭ قالا ماڭىنداعى تەرريتورياسى 4 تاريفتىك ايماققا بولىنگەن جانە ءاربىر ايماقتىڭ ۇزاقتىعى – 15 شاقىرىم. قازىرگى كەزدە قالا ماڭىنداعى تاسىمال 14 مارشرۋتپەن قىزمەت كورسەتە وتىرىپ, 24 ەلدى مەكەندى قامتيدى.
وسىعان دەيىن قولدانىلعان (2016 جىلدىڭ 30 شىلدەسىنە دەيىن) 84 تاريفتەن تۇراتىن تاريفتىك كەستە تاسىمالداۋشىلار مەن جولاۋشىلاردىڭ جۇمىسىن الدەقايدا قيىنداتقان ەدى. قالا ماڭى تەرريتورياسىن ايماقتارعا ءبولۋ ارقىلى تاريفتەر سانى 5-كە دەيىن قىسقارتىلدى. وسى ۋاقىتتان باستاپ جولاقىنىڭ باعاسى جولاۋشىنىڭ قاي تاريفتىك ايماقتا قوزعالۋىنا بايلانىستى بولادى.
استانا قالاسىنىڭ قالا ماڭى باعدارلارىندا جولاۋشىلار مەن جۇكتى تۇراقتى تاسىمالداۋ قىزمەتىنىڭ باعاسى استانا قالاسى اكىمدىگىنىڭ 2015 جىلعى 6 قازانىنداعى № 108-1759 «استانا قالاسىنىڭ قالالىق جانە قالا ماڭى باعدارلارىندا جولاۋشىلار مەن باگاجدى تۇراقتى اۆتوموبيل كولىگىمەن تاسىمالداۋ تاريفتەرى تۋرالى» قاۋلىسىنا ساي ورناتىلعان.
جول ءجۇرۋ اقىسىن تولەۋدىڭ ەلەكتروندىق جۇيەسىنىڭ ءبىرىنشى كەزەڭى قولما-قول اقشامەن ەسەپ ايىرىسۋ ارقىلى (كولىكتىك كارتالاردى قولدانباي) قالا ماڭى باعدارلارىنداعى جولاقى باعاسىن وزگەرتۋدى تۇسپالدايدى.
كولىكتىك كارتالاردى ساتۋ پۋنكتەرى تۋرالى اقپارات قوسىمشا باياندالادى.
