اقمولا-سارىوزەن كوشەلەرىندەگى جول-جوندەۋ جۇمىستارىنا بايلانىستى كولىك باعدارى وزگەردى

ەلوردادا اقمولا – سارىوزەن كوشەلەرىنىڭ قيىلىسىندا جول-جوندەۋ جۇمىستارىنىڭ جۇرگىزىلۋىنە بايلانىستى №4, 34, 46, 71, 81, 102 (ەكسپرەسس) باعدارلارىنىڭ قوزعالىس سىزبالارى ۋاقىتشا وزگەرەدى. بۇل تۋرالى اكىمدىكتىڭ ءباسپاسوز قىزمەتى حابارلادى.

№4 جانە №34 باعدارلار تىلەنديەۆ داڭعىلى – سارىوزەن كوشەسى قيىلىسىنا دەيىن وزگەرىسسىز, ودان ءارى ۇلىتاۋ – اقتوبە – قاينار كوشەلەرى ارقىلى سوڭعى ايالداماعا دەيىن جۇرەدى. كەرى باعىتتا قاينار – اقتوبە – ۇلىتاۋ – اقمولا – بارشىن – № 20-40 كوشەلەرى – تىلەنديەۆ داڭعىلى, ودان ءارى قولدانىستاعى سىزبا بويىنشا جۇرەدى.

№ 46, 71, 102 (ەكسپرەسس) باعدارلارى تىلەنديەۆ داڭعىلى – سارىوزەن كوشەسى قيىلىسىنا دەيىن وزگەرىسسىز, ودان ءارى تىلەنديەۆ داڭعىلى – بارشىن – اقمولا – ۇلىتاۋ كوشەلەرى ارقىلى سوڭعى ايالداماعا دەيىن جۇرەدى. كەرى باعىتتا ۇلىتاۋ – اقمولا – بارشىن – № 20-40 كوشەلەرى – تىلەنديەۆ داڭعىلى, ودان ءارى قولدانىستاعى سىزبا بويىنشا جۇرەدى.

№ 81 باعدارداعى اۆتوبۋس تىلەنديەۆ داڭعىلى – سارىوزەن كوشەسى قيىلىسىنا دەيىن وزگەرىسسىز, ودان ءارى سارىوزەن, اقمولا كوشەلەرىنە كىرمەي, تىلەنديەۆ داڭعىلى بويىمەن جۇرەدى. كەرى باعىتتا دا وسى سىزبا بويىنشا جۇرەدى.

جول جوندەۋ جۇمىستارى اياقتالعان سوڭ, جوعارىدا اتالعان باعدارلار قولدانىستاعى سىزبا بويىنشا جۇرەتىن بولادى.