استانا قالاسىنداعى تاۋەلسىزدىك سارايىندا 20 جەلتوقسان كۇنى «ناپولەون. ءومىر. اڭىز» اتتى كورمە اشىلادى, دەپ حابارلايدى astana.kz سايتى. بۇل قازاقستانداعى فرانتسيا جىلى اياسىنداعى قورىتىندى شارا بولىپ تابىلادى.
قر ۇلتتىق مۇراجايى, قازاقستانداعى فرانتسيا ەلشىلىگىنىڭ باستاماسىمەن ناپولەون قورى جانە استانا قالاسى اكىمدىگىنىڭ قولداۋىمەن وتەتىن كورمە-ەكسپوزيتسيا 9 بولىمنەن تۇرادى. كورمەدە فرانتسيانىڭ ۇلى تاريحي قايراتكەرى ناپولەوننىڭ عۇمىرى مەن قىزمەتىنە ارنالعان شامامەن 300 ەكسپونات كورەرمەن نازارىنا ۇسىنىلماق.
كورمەنىڭ سالتاناتتى اشىلۋى 2013 جىلدىڭ 19 جەلتوقسان كۇنى ساعات 17.00-دە تاۋەلسىزدىك سارايىندا وتەدى.
