استانالىقتاردىڭ سپورتقا ىنتاسى زور

– استانادا قانشا ادام بۇقارالىق سپورتپەن اينالىسادى؟

– استانا قالاسىنىڭ ءاربىر ءتورتىنشى تۇرعىنى دەنە شىنىقتىرۋ جانە سپورتپەن اينالىسادى. ال ولاردىڭ كوپشىلىگى, ياعني, 35 پايىزى جۇزۋگە باراتىنى, ءاربىر بەسىنشىسى بوكس, كۇرەس سەكىلدى جەكپە-جەك تۇرلەرىن تاڭدايتىنى, ءاربىر ءۇشىنشىسى فۋتبولدى قالايتىنى بەلگىلى بولىپ وتىر. ودان ءارى زەرتتەۋشى الەۋمەتتانۋشىلار فيتنەس, جەڭىل اتلەتيكا جانە ۆەلوسپورتقا اۋەستەنۋشىلەر سانىنىڭ  ارتىپ وتىرعانىن ايتادى.

استانا قالاسىندا سوڭعى بەس جىلدا دە­نەشىنىقتىرۋ جانە سپورتپەن تۇراقتى اي­­نالىساتىندار قاتارى ەكى ەسە ءوسىپ,  بۇگىندە ولاردىڭ سانى 168230 ادامعا جەتتى.

– اۋلا سپورت الاڭى قانشا جانە قالاي جابدىقتالعان؟

– اۋلا سپورت الاڭدارى  بويىنشا  جۇ­مىس استانا قالاسىنىڭ جاستار ساياساتى ماسە­لەلەرى باسقارماسى مەن استانا قالا­سىنىڭ ءبىلىم باسقارماسىنا جۇكتەلگەن بولاتىن. الايدا, ءبىزدىڭ باسقارمامىز دا وسى جۇمىس­قا بەلسەنە ارالاسىپ, ءوز تاراپىنان بالالاردى سپورتقا باۋلىپ, كومەك كورسەتىپ كەلەدى. كوبىنە اۋلا سپورت الاڭدارىندا ءبىزدىڭ جاتتىقتىرۋشىلار جۇمىس ىستەيدى.

– بالالار-جاسوسپىرىمدەر سپورت مەك­تەپتەرىنىڭ جاي-كۇيى قالاي ؟

– قالادا ون بالالار مەن جاسوسپىرىمدەر سپورت مەكتەبى جۇمىس ىستەيدى. التى وليم­پيادالىق رەزەرۆ مەكتەبى بار. ولاردا
6787 ادام سپورتتان شەبەرلىگىن شىڭداۋدا.  بۇل وتكەن جىلمەن سالىستىرعاندا الدە­قايدا جوعارى. بيىل العاشقى دايارلاۋ سپورت توپتارىنا 1823 بالا قابىلداندى. بالالار مەن جاسوسپىرىمدەردى 392 بىلىكتى مامان جاتتىقتىرىپ ءجۇر. سپورت مەك­تەپ­تەرىندە بولاشاق چەمپيوندار 53 سپورت تۇرىمەن, سونىڭ ىشىندە 36 وليم­پيا­دالىق باعدارلاماعا ەنگەن سپورت ءتۇر­لەرى بويىنشا دايىندالادى. استانا قالا­سىنىڭ قۇراما كومانداسى بۇگىندە رەس­پۋبليكالىق كەشەندى جارىستاردىڭ كوش­باسشىسى بولىپ, ناعىز چەمپيوندار «ۇستاحاناسىنا» اينالىپ وتىر. بيىل كوكتەمدە وتكەن قازاقستان جاستار ويىن­دارىندا استانالىق جاس سپورتشىلار جالپىكوماندالىق جارىستا ەكىنشى ورىن­دى يەلەندى. وسى جارىستاردا استانا كو­مانداسى عانا بارلىق 35 سپورت ءتۇرى بويىنشا سپورتشىلار شىعاردى. ءناتي­جەسىندە, 103 التىن, 65 كۇمىس جانە 112 قولا مەدال جەڭىپ الدى.