بالالارعا قامقورلىق قاجەت

جەدەلسوز

ريمما يمانعازينوۆا, استانا قالالىق بالالار قۇقىقتارىن قورعاۋ جونىندەگى باسقارما باسشىسى:
– ريمما اسىمقىزى, دەپار­تامەنتتىڭ بالالار قۇقىقتارىن قورعاۋ جونىندەگى باسقارما بولىپ قايتا قۇرىلۋىنا نە تۇرتكى بولدى؟
– ەلىمىزدەگى مەملەكەتتىك باسقارۋ جۇيەسىن جەتىلدىرۋ ماقساتىندا, قالا اكىمدىگىنىڭ 2013 جىلعى 2 شىلدەدەگى قاۋلىسىمەن استانا قالاسى بالالار قۇقىقتارىن قورعاۋ جونىندەگى باسقارماسى قۇرىلدى. باسقارما قىزمەتى – بالانىڭ قۇقىقتارى مەن بوستاندىقتارىن ساقتاۋ جانە قامتاماسىز ەتۋ بويىنشا مەم­لە­كەتتىك ساياساتتى ىسكە اسىرۋ.

– استانادا كامەلەتكە تولماعان قانشا بالا بار؟ ولاردىڭ الەۋ­مەتتىك جاعدايى قالاي؟
– 2013 جىلعى 1 قاڭتارداعى ءما­لىمەت بويىنشا 214 047 كامەلەتكە تولماعان بالا بار. ونىڭ ىشىندە ءبىلىم بەرۋ مەكەمەلەرىندە 376 جەتىم بالا, 1 060 از قامتىلعان وتباسى بالالارى, كوپ بالالى وتباسىنان شىق­قان 6 269 بالا تىركەلگەن. بۇل با­لا­لاردىڭ بارلىعىنا قولداۋ قا­جەت. قالا اكىمدىگى تۇرمىسى تومەن وتباسىلارعا قامقورلىق تانىتىپ كەلەدى. ماسەلەن, ولار مەكتەپتە تەگىن تاماقتانادى. كيىم-كەشەك, جولاقى بيلەتتەرىمەن قامتاماسىز ەتىلگەن. بۇل ساناتتاعى بالالار جازعى دەمالىس كە­زىندە ساۋىقتىرۋ لاگەر­لەرىندە تەگىن دەمالادى. ومىردە قيىن جاعدايعا تاپ بولعان, شيەتتەي بالالارى بار وت­با­سىلارعا ءتۇرلى قايىرىمدىلىق اكتسيالارى ارقىلى جاردەم كورسەتىلەدى. ال, كامەلەتكە تولماعانداردى بەيىمدەۋ ورتالىعى 2011 جىلدان بەرى جۇمىس ىستەيدى. اتا-انانىڭ قامقورلىعىنسىز قال­عان بالالاردى الەۋمەتتىك-پسي­حو­لو­گيالىق قورعاۋ ماقساتىندا ورتالىق جانىنان «وتباسىلارعا قولداۋ كور­سەتۋ» قىزمەتى قۇرىلدى. بۇگىندە ورتا­لىقتا 563 بالا تاربيەلەنۋدە.

– الداعى جوسپارلارىڭىز قانداي؟
– وزدەرىڭىزگە ءمالىم, «مەكتەپكە جول» اكتسياسى اياسىندا 267 وقۋشىعا 3 ملن 390 مىڭ تەڭگەگە ماتەريالدىق كومەك كورسەتىلدى. اكتسيا كەزىندە كومەككە مۇقتاج بالالاردى انىقتاۋ ماقساتىندا «تۇنگى قالاداعى بالا­لار», «ساياجاي», «ءجاسوسپىرىم», «كا­ني­كۋل», «بالا ەڭبەگى» جانە باسقا دا شۇعىل الدىن الۋ رەيدتەرى جۇرگىزىلدى. استانا قا­لاسى اكىمدىگىنىڭ قولداۋىمەن 24-30 تامىز ارالىعىندا كاسىپكەرلىك جانە ونەركاسىپ باسقارماسى ارنايى جارمەڭكە وتكىزەتىن بولادى. وندا بالالارعا ارنالعان مەكتەپ فورماسى مەن وقۋ قۇرالدارى تومەن باعامەن ساتىلادى. سونىمەن قاتار, «ار­ناۋلى الەۋ­مەتتىك قىزمەت كورسەتۋدىڭ ۇلگىسىن ىسكە اسىرۋ ءۇشىن جاسالاتىن بەس قادام» جوباسىنا سايكەس جۇمىستى ودان ءارى جالعاستىرۋ كوزدەلۋدە. جالپى, بالالاردىڭ قۇقىقتارىن قورعاۋ ماسەلەسى بويىنشا 55-67-11, 55-67-05 بايلانىس تەلەفوندارىنا حابارلاسۋعا بولادى.

 گۇلميرا ايماعانبەت