قر ەڭبەك جانە حالىقتى الەۋمەتتىك قورعاۋ مينيسترلىگىنىڭ سوڭعى مالىمەتى بويىنشا 2,3 ميلليوننان اسا قازاقستاندىق كارانتين كەزىندە تابىسىن جوعالتقانى ءۇشىن 42 500 + 21 250 تەڭگەلىك بىرجولعى تولەم الدى.
شىلدە ايىنداعى شەكتەۋ شارالارىن ەنگىزۋگە بايلانىستى تابىسىنان ايىرىلعان مەملەكەتتىك الەۋمەتتىك ساقتاندىرۋ قورىنان بىرجولعى تولەم تاعايىنداۋعا ازاماتتاردان 2 ملن 589 مىڭنان اسا بىرەگەي ءوتىنىش قابىلداندى. تولەم مولشەرى ەڭ تومەنگى جالاقىعا – 42 500 تەڭگەگە تەڭ بولدى. بىرجولعى تولەمدى 2 ملن 376,8 مىڭ قازاقستاندىق الدى, ونىڭ ىشىندە 2 ملن 368,2 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0,5 ەتج – 21 250 مىڭ تەڭگە مولشەرىندە قوسىمشا تولەماقى الدى.
كارانتين شارالارىنا بايلانىستى تابىسىنان ايىرىلعانداردان ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.
