مەملەكەتتىڭ تۇراقتى دامۋىنا كەرى اسەر ەتەتىن بىرنەشە سەبەپتەردىڭ قاتارىندا ەڭ باستى ورىندى جەمقورلىق الىپ تۇر.
ەلباسىمىز ن.ءا.نازارباەۆ جەمقورلىقتىڭ الدىن الۋعا ەرەكشە ءمان بەرەدى, ونى ءبىز مەملەكەت جانە قوعام بىرلەسىپ جەمقورلىققا قارسى تۇرۋ كەرەك ەكەنىن اتاپ وتكەن «قازاقستان-2050» حالىققا جولداۋىندا كورە الامىز.
وسى قوعامدىق دەرتتى ءتۇپ تامىرىمەن جويۋعا استانا قالاسىنىڭ سارىارقا اۋدانى بويىنشا سالىق باسقارماسىنىڭ ۇجىمى دا اتسالىسۋدا.
وسى ماقساتتا استانا قالاسى سارىارقا اۋدانى بويىنشا سالىق باسقارماسىنىڭ ۇيىمداستىرۋ ءبولىمى وزگە بولىمدەردە وتكىزىلەتىن تەحنيكالىق وقىتۋلار تاقىرىبىنا ەرەكشە كوڭىل بولەدى, ياعني, جەمقورلىقتىڭ الدىن الۋ ماسەلەسىن مىندەتتى تۇردە قاراستىرىلۋىنا جانە تالقىلانۋىنا ءمان بەرەدى.
سالىق باسقارماسى قىزمەتكەرلەرىنىڭ جۇمىسىندا جەمقورلىقتى ازايتۋعا, سونداي-اق, سالىق تولەۋشىلەرمەن تىكەلەي قارىم-قاتىناس جاساۋدى ازايتۋعا مۇمكىندىك بەرەتىن ءادىس – ەلەكتروندى سالىق قىزمەتى تۇرلەرىن مەيلىنشە ۇلعايتۋ. بۇگىنگى كۇندە سالىق تولەۋشى ەلەكتروندى تۇردە كەلەسىدەي سالىق قىزمەتتەرىن پايدالانا الادى:
– سالىق ەسەپتىلىگى نىسانىن تاپسىرۋ;
– سالىق مىندەتتەمەلەرىن ورىنداۋ بويىنشا بيۋدجەتتىك ەسەپتەردىڭ جاعدايى تۋرالى دەربەس شوتتان كوشىرمە الۋ;
– مىندەتتى جارنالىق سالىمدار مەن الەۋمەتتىك تولەمدەر بويىنشا سالىقتىق مىندەتتەمەلەردىڭ بار ەكەنىن نەمەسە جوقتىعىن راستايتىن مالىمەت الۋ;
– سالىقتىق ەسەپتى تاپسىرۋدى ۋاقىتشا توقتاتۋ (ۇزارتۋ, قايتا جاڭارتۋ);
– پاتەنت الۋ ءۇشىن ەسەپتەسۋ;
– جەكە كاسىپكەر, ادۆوكات, جەكە نوتاريۋس, جەكە سوت ورىنداۋشى رەتىندە ەسەپكە تۇرۋ.
ناتيجەسىندە, كاسىپكەر ءوزىنىڭ جۇمىس ورنىنان شىقپاي-اق, ءوزى دەربەس سالىق ەسەپتىلىگىن جىبەرۋگە, ءوزىنىڭ دەربەس شوتتارىن قاراي الۋعا, سالىق ورگانىنان حابارلاما الۋعا, پاتەنت باسىپ شىعارۋعا, سونداي-اق, جەكە كاسىپكەر كۋالىگىن الۋعا مۇمكىندىگى بار.
جەكە جۇمىس ورنى جوق, كومپيۋتەر الۋعا مۇمكىندىگى از سالىق تولەۋشىلەر ءۇشىن سالىق باسقارماسىندا تەرمينال قويىلعان. ونىڭ كومەگى ارقىلى ءاربىر سالىق تولەۋشى ەلەكتروندىق كىلت قۇرالى كومەگىمەن سالىق ەسەبىن تاپسىرا الادى, ەگەر قيىندىق تۋعان جاعدايدا سالىق باسقارماسى قىزمەتكەرىنىڭ كومەگىنە جۇگىنە الادى.
سونىمەن قاتار, باسقارما عيماراتىندا شاعىمدار مەن ۇسىنىستار كىتابى جۇرگىزىلەدى. وندا باسقارما جۇمىسىنىڭ ساپاسىنا قاتىستى ءوزىنىڭ جەكە ويىن ەش كەدەرگىسىز, جازباشا تۇردە بىلدىرە الادى.
سالىق باسقارماسى قىزمەتكەرلەرى اراسىندا جەمقورلىققا قارسى زاڭنامانى وقىتۋ جانە بولدىرماۋ بويىنشا سەمينارلار ۇنەمى وتكىزىلىپ تۇرادى. كەز كەلگەن سالىق تولەۋشى سالىق ورگاندارى قىزمەتكەرلەرىنىڭ زاڭسىز ارەكەتىن حابارلاي الاتىن سەنىم تەلەفونى جۇمىس جاسايدى. ال, «جەكە جانە زاڭدى تۇلعالاردىڭ ۇندەۋىن قاراستىرۋ ءتارتىبى تۋرالى» 12.01.2007 ج. №221-3 قر-نىڭ زاڭى بويىنشا ءانونيمدى ۇندەۋلەر قاراستىرىلمايدى.
ع.ەسىمحانوۆا,
سارىارقا اۋداندىق سالىق
باسقارماسىنىڭ باس مامانى
