«بولاشاققا – جاڭا سەرپىنمەن»
وسىنداي ۇرانمەن س.سەيفۋللين اتىنداعى قازاق اگروتەxنيكالىق ۋنيۆەرسيتەتىنىڭ جاستارى ەلباسىنىڭ كەشە جارىققا شىققان «ۇلى دالانىڭ جەتى قىرى» ماقالاسىنا ءۇن قوسۋ ماقساتىندا فلەشموب ۇيىمداستىردى.
«حان شاتىر» ساۋدا, ويىن-ساۋىق ورتالىعىندا وتكەن پاتريوتتىق شارا بارىسىندا ۇلتتىق ناقىشتاعى كيىم كيگەن 200-دەن اسا ستۋدەنت ءبىر ۋاقىتتا بي بيلەپ, دومبىرامەن كۇيلەر ورىندادى.
– ۇل-قىزدارىمىز ەل پرەزيدەنتىنىڭ ءار باستاماسىن نازاردان تىس قالدىرعان ەمەس. الداعى جىلدىڭ «جاستار جىلى» بولىپ جاريالانۋى شاكىرتتەرىمىزدىڭ تاراپىنان ۇلكەن قولداۋعا يە بولدى. ەندى, مىنە, مەملەكەت باسشىسىنىڭ جاڭا ماقالاسىندا ايتىلعان يدەيالار دا ولاردىڭ رۋحىنا رۋح قوسىپ, جىگەرىن جانىدى. بۇگىنگى ءىس-شارا – سونىڭ ايقىن دالەلى, – دەدى اتالمىش ۋنيۆەرسيتەتتىڭ قازاقستان تاريحى كافەدراسىنىڭ مەڭگەرۋشىسى ءومىرباي بەكماعانبەتوۆ.