بوتانيكالىق باقتاعى اققالالار اۋىلى

ەلوردادا وتباسىلىق دەمالىس ءۇشىن مۇزدى قالاشىق, اشىق اسپان استىنداعى ەرەكشە گالەرەيا پايدا بولدى. «NS Family WinterFest» فەستيۆالى وتباسىمەن ۋاقىت وتكىزۋگە ارنالعان.«بوتانيكالىق باق ەرەكشە, قىزىقتى بەزەندىرىلدى, ءبىرىنشى ايماقتا اشىق اسپان استىنداعى گالەرەيا, شاعىن ساۋلەت نىساندارى جانە جاڭا جىلدىق شىرشانىڭ ارتىندا سۋرەتشىلەر سالعان سۋرەتتەر بار. ال ەكىنشى ايماقتىڭ نەگىزگى فيشكاسى – اققالالار ورنالاسقان جەر. قازىر اققالا سانى – 300. قالا تۇرعىندارى اققالا سانىن ارتتىرۋعا كومەكتەسسە, نۇر ۇستىنە نۇر بولار ەدى» دەيدى بوتانيكالىق باق ديرەكتورى ك.بەكمۋرزاەۆا.
ءۇشىنشى ايماققا جاڭا جىلدىق شىرشا ورنالاسقان. شىرشا قارلىعاشتارمەن بەزەندىرىلگەن, ويتكەنى قارلىعاش كەلەر جىلدىڭ باقىت سيمۆولى سانالادى. سونداي-اق قالا تۇرعىندارىنا ىڭعايلى بولۋ ءۇشىن جىلى سفەرالار ورناتىلىپ, بالالار ءۇشىن ارنايى كىشكەنتاي حوككەي الاڭى جاسالعان.