تاۋەلسiزدiكتiڭ 30 جىلدىعىنا ورايلاستىرىلعان Brain games ينتەللەكتۋالدى ويىندار جوباسى نۇر-سۇلتان قالاسى اكiمدiگi «استانا جاستارى» كوممۋنالدىق مەملەكەتتiك مەكەمەسiنiڭ قولداۋىمەن بيىل ناۋرىز ايىندا باستاۋ العان بولاتىن.
كەشە قالا جاستارى قىزىعىپ قاتىسقان ينتەللەكتۋالدى ويىنداردىڭ قورىتىندىسى شىقتى. جاستاردىڭ جۇيەلى جانە ستراتەگيالىق ويلاۋىن دامىتۋعا باعىتتالعان Brain games اياسىندا كيبەرسپورت, شاحمات جانە توعىزقۇمالاق بويىنشا تۋرنير ءوتتى. بۇل جارىستارعا 14-29 جاس ارالىعىنداعى بالالار مەن جاستار قاتىستى. شاحمات پەن توعىزقۇمالاقتان وتكەن جارىسقا جۇزدەن استام ادام قاتىسسا, DOTA2 جانە Rainbow Six Siege كيبەرسپورت تۋرنيرىندە قىرىققا جۋىق كوماندا جۇلدەگە تالاستى.
جاز ايلارىندا ينتەللەكتۋالدى ويىندارعا قاتىسقان جۇزدەگەن بالالار مەن جاستاردىڭ اراسىنان ۇزدىك شىققان جەڭىمپازدار مەن جۇلدەگەرلەرگە نۇر-سۇلتان قالاسى ءىىد ەسىرتكىگە قارسى كۇرەس باسقارماسىنىڭ وكىلدەرى مەن «استانا جاستارى» مەملەكەتتىك مەكەمەسىنىڭ وكىلدەرى ديپلومدار مەن مەدالدار, سونداي-اق سىيلىقتار تابىس ەتتى. سونداي-اق بىرنەشە قاتىسۋشىلارعا ىنتالاندىرۋ جۇلدەلەرى بەرىلدى.
