ەلوردانىڭ ەلەكتر ەنەرگەتيكاسى سالاسى قىزمەتكەرلەرى اراسىندا شاحماتتان «EnergyChes-2021» ونلاين-جارىس وتەدى. تاۋەلسىزدىكتىڭ 30 جىلدىعىنا وراي ۇيىمداستىرىلعان جارىس سالاۋاتتى ءومىر سالتىن ناسيحاتتاۋ, ەنەرگەتيكالىق كاسىپورىنداردىڭ قارىم-قاتىناسىن نىعايتۋ, ماماندىقتىڭ وڭ كەلبەتىن قالىپتاستىرۋ ماقساتىن كوزدەيدى.
جارىس liches.org سايتىندا (27.11.2021, 04.12.2021, 11.12.2021) ءۇش كەزەڭ ارقىلى قاشىقتان وتكىزىلەدى. قاتىسۋشىلار سايتتا ءوزىنىڭ ەلەكتروندى پوشتاسى ارقىلى تىركەلۋى جانە EnergyChess شاحماتتىق توپقا قوسىلۋى قاجەت. بارلىق كەزەڭدەر 14:00-دە باستالادى. قاتىسۋشىلار سانىنا بايلانىستى ءار كەزەڭدە تۋرلار سانى انىقتالادى. جارىس جەكە بولىپ سانالادى. جارىسقا شاحماتتىڭ جۇرىستەرى مەن ەرەجەلەرىن بىلەتىن, ينتەرنەتكە شىعاتىن كومپيۋتەر, پلانشەت/سمارتفونعا قولجەتىمدى, ەلەكتر ەنەرگەتيكاسى سالاسىنىڭ قىزمەتكەرلەرى رۇقسات الادى. جارىس فيدە ەرەجەلەرى بويىنشا وتەدى. جارىس Zoom قوسىمشاسىندا دىبىستىق جانە بەينەسىلتەمەلەرىن قولدانۋ ارقىلى ونلاين فورماتتا وتەدى. ءار قاتىسۋشى فرونتالدى ۆەب-كامەراسىن قولدانۋ, سونىمەن قاتار كومپيۋتەر مونيتورى مەن قاتىسۋشىنىڭ ءوزى كورىنىپ تۇرۋ قاجەت. ويىنشى تورەشىنىڭ تالاپتارىنا قاراي كامەرانى اشۋعا مىندەتتى. ينتەرنەت بايلانىسى ۇزىلگەن جاعدايدا قاتىسۋشىعا تەحنيكالىق جەڭىلىس بەرىلەدى. وتىنىشتەردى energychess@mail.ru ەلەكتروندى پوشتاسىنا جىبەرۋ كەرەك. الداۋ باعدارلامالارىن قولدانعان نەمەسە سىرتتان كومەك العان قاتىسۋشى جارىستان شەكتەتىلەدى.
جەڭىمپازدار مەن جۇلدەگەرلەر جيناعان ۇپاي ساندارىنا بايلانىستى انىقتالادى. ۇپاي ساندارى تەڭ بولعان جاعدايدا جەڭىمپاز قوسىمشا كورسەتكىشتەرمەن انىقتالادى, ونى ويىن الاڭى اۆتوماتتى تۇردە ەسەپتەيدى. 3 كەزەڭ ناتيجەسى بويىنشا جەڭىمپازدار مەن جۇلدەگەرلەر اتومدىق جانە ەنەرگەتيكالىق قاداعالاۋ مەن باقىلاۋ كوميتەتى باسشىسىنىڭ قولتاڭباسى بار ماداقتامامەن ماراپاتتالادى (ەر ادامدار مەن ايەل كىسىلەر بولەك). انىقتاما ءۇشىن Whatsاpp: +7 777 462 05 81.
نايليا ابدۋحاليكوۆا