استانا قالاسى اكىمدىگىنىڭ جانە قازاقستان ۆەلوسپورت فەدەراتسياسىنىڭ ۇيىمداستىرۋىمەن 7 مامىر كۇنى ەلوردادا ۆەلوسپورت ماۋسىمى اشىلىپ, وسى شارانىڭ اياسىندا جەڭىس كۇنىنە ارنالعان بۇقارالىق ۆەلوشەرۋ وتكىزىلەدى.
ۇيىمداستىرۋشىلار بۇقارالىق ۆەلوشەرۋگە قاتىسۋشىلاردى تاڭەرتەڭگى 8.00-دە باستايدى. ال ساعات 9.00-دەن «سالتانات سارايىنان» باستالاتىن ۆەلوشەرۋ قابانباي باتىر داڭعىلىنىڭ بويىمەن «استانا-ارەنا» الاڭىنا دەيىن جالعاسىپ, «سارىارقا» رەسپۋبليكالىق ۆەلوترەگى اۋماعىندا مارەسىنە جەتەدى.
شارا بارىسىندا ۆەلوپروكات پۋنكتتەرى ۇيىمداستىرىلىپ, شاراعا قاتىسۋشىلار ءۇش ستانساسى تولىق جاساقتالعان «استانا Bike» ۆەلوسيپەدتەرىن پايدالانا الادى.
جاپپاي ۆەلوسيپەد تەبۋگە جينالعان جۇرتتىڭ ورتاسىنان بەلگىلى قازاقستاندىق سپورتشىلار دا تابىلادى. سولاردىڭ ءبىرى لوندون وليمپياداسىنىڭ چەمپيونى, «Astana Pro Team» ۆەلوكومانداسىنىڭ باس مەنەدجەرى الەكساندر ۆينوكۋروۆ استانالىقتاردى ۆەلوشەرۋگە قاتىسىپ, ارداگەرلەرگە تاعزىم ەتۋگە ۇندەدى.
ولاي بولسا, جەڭىس كۇنىنە ارنالعان بۇقارالىق ۆەلوشەرۋگە قاتىسىپ, مايدانگەر ۇرپاقتىڭ ەرلىگىنە قۇرمەت بىلدىرەيىك, اعايىن!
