ەلوردادا الدىن الا جۇرگىزىلگەن ساراپتاۋلار, تالداۋلار ناتيجەسىندە بيىل 25 شاقىرىمنان استام جول قۇرىلىسىن جۇرگىزۋ قولعا الىندى. مۇنىڭ ىشىنە جاڭادان سالىناتىن, جوندەلەتىن, قالپىنا كەلتىرىلەتىن جولدار دا بار. استانا قالاسى اكىمىنىڭ تىكەلەي نۇسقاۋىمەن قاردىڭ ەرتە ەرۋىنە بايلانىستى بۇزىلعان جول بولىكتەرى تەگىستەلىپ جاتىر. وسى جۇمىسقا قاجەتىنشە ماماندار مەن تەحنيكالار جۇمىلدىرىلىپ وتىر. جول جوندەۋ جۇمىستارىن جۇرگىزۋ بويىنشا جۇيەلى كەستە ازىرلەنگەن.
استانادا ءساۋىر ايىنىڭ اياعىندا اراي مەن عارىشكەرلەر كوشەسىندە جول قوزعالىسى توقتاتىلىپ, جوندەۋ جۇمىستارى جۇرگىزىلگەن ەدى. استانا قالاسى اۆتوكولىك جولدارى باسقارماسىنىڭ باسشىسى سىمبات مىرزاعۇلوۆتىڭ ايتۋىنشا, 4-20 مامىر ارالىعىندا قورداي كوشەسىنىڭ ر.قوشقارباەۆتان احمەتبەكوۆ كوشەسىنە دەيىنگى بولىگىندە كولىك قوزعالىسى توقتاتىلادى. بۇل اۋماقتا جول جوندەۋ جۇمىستارى جۇرگىزىلەدى. ال 24-ساۋىردەن 15-مامىرعا دەيىن ابىلاي حان داڭعىلىنىڭ ع.مۇستافيننەن ع.مۇسىرەپوۆ كوشەسىنە دەيىنگى ارالىعىندا كولىك قوزعالىسى جارتىلاي شەكتەلگەن. وسى جولداردا قازىرگى ۋاقىتتا جولدىڭ بەتكى قاباتتارىن توسەۋ جۇمىستارى جۇرگىزىلۋدە.
ءبىر ايتا كەتەر جاي, كەيبىر جولدارداعى قالپىنا كەلتىرۋ, ورتاشا جوندەۋ جۇمىستارىنا بيۋدجەتتەن قوسىمشا قارجى قارالمايدى. ونداي جۇمىستاردى مەردىگەر كومپانيالار وزدەرىنىڭ كەپىلدى مىندەتتەمەلەرى بويىنشا ورىنداۋعا كىرىسكەن. جول جوندەۋ جۇمىستارىننىڭ نەگىزگى بولىگىن ماۋسىمعا دەيىن اياقتاۋ كوزدەلىپ وتىر.
مەڭدوللا نۇرىمۇلى
