ەلوردالىقتار شەتەلگە دەمالۋعا ءجيى بارادى. 2008 جىلى جەرلەستەرىمىز شەتەلگە 2,4 مىڭ رەت بارسا, 2012 جىلى بۇل كورسەتكىش 8,2 ەسەگە ارتىپ, 19,6 مىڭدى قۇراعان.
2012 جىلدىڭ مالىمەتتەرى بويىنشا تۋريستەردىڭ باسىم بولىگى تۇركيا, ءباا جانە تايلاند ەلدەرىن تاڭداعان.
مۇنىمەن قوسا, ەلوردا تۇرعىندارى جەرگىلىكتى كۋرورتتاردى دا ۇناتادى. ەگەر وتاندىق دەمالىس ورىندارىندا 2008 جىلى 25,6 مىڭ ادام دەمالسا, 2012 جىلى بۇل كورسەتكىش 24,8 مىڭ ادامدى قۇراعان. ال, 2013 جىلعى شەتەلدىك تۋريستىك ساپارلارعا كەلسەك, ءبىرىنشى توقساندا شەتەلدىك كۋرورتتارعا 10,2 مىڭ استانالىق بارعان, ياعني, بۇل 2012 جىلدىڭ سايكەس كەزەڭىنەن 2,8 ەسەگە ارتىق.
استانانىڭ الەۋمەتتىك-ەكونوميكالىق ومىرىندە بولعان سوڭعى جىلدارداعى وزگەرىستەر تۋريزم سالاسىنداعى ۇسىنىستاردى قازىرگى بولىپ جاتقان سۇرانىسقا بارىنشا سايكەستەندىرىپ, كوبەيتۋگە مۇمكىندىك بەرەدى. زامانۋي كەلبەتى, ينفراقۇرىلىمى بار, ەلىمىزدىڭ جاس استاناسى رەتىندە قالامىزعا دەگەن جاپپاي قىزىعۋشىلىقتىڭ كوبەيۋى, تۋريزم سالاسىن سيپاتتايتىن بىرقاتار كورسەتكىشتەرمەن راستالادى.
2012 جىلى قازاقستان ەلورداسىن دەمالۋ ماقساتىمەن 329 ادام ارالاعان, ال, 2008 جىلى ەلورداعا كەلگەن رەزيدەنت ەمەستەردىڭ سانى 213 ادامدى قۇراعان. 2012 جىلى استاناعا كەلگەن شەتەلدىك ازاماتتاردىڭ جالپى سانىنىڭ 43,8%-ى تمد ەلدەرىنەن كەلگەن. ايتا كەتەيىك, ونىڭ باسىم بولىگى رەسەيدەن (95,8%) جانە ۋكراينادان (3,5%) كەلگەن. رەزيدەنت ەمەس تۋريستەر ساياحاتتاۋ كەزىندە اۋە كولىكتەرىن تاڭدايدى.
ەركەجان ساتىمبەك
