اقپاراتتىڭ شىنايىلىعىن تەكسەرەدى

ەلوردادا اقپاراتتىڭ شىنايىلىعىن باعالاۋ ورتالىعى اشىلدى. تولىعىراق, ورتالىق ديرەكتورى  ەڭلىك دۇيسەنعاليەۆا ايتىپ بەردى.

–ورتالىقتىڭ ماقساتى نە؟
–ورتالىق كادرلاردى ىرىكتەۋ, قىزمەتكەرلەردى اتتەستاتتاۋ جانە سكرينينگ قىزمەتتەرىن ۇسىنادى. ورتالىقتىڭ قىزمەتىنە كوبىنە زاڭدى جانە جەكە تۇلعالار, مەملەكەتتىك قۇرىلىمدار جۇگىنەدى. مىسالى, بۇل ادامداردىڭ جۇمىسقا دەگەن نيەتى قانداي, جۇمىس ىستەگىسى كەلە مە, جوق پا, وعان جۇمىس كەرەك پە دەگەن سۇراقتار ارقىلى جالعاندىق دەتەكتورىمەن تەكسەرۋگە بولادى.
–ورتالىقتا اقپاراتتىڭ شىنايىلىعى قالاي تەكسەرىلەدى؟
–مەكەمە پوليگرافتىڭ «ديانا» سەرياسىنداعى سوڭعى ۇلگىسىمەن جابدىقتالعان. وندا كوشپەلى جانە ستاتسيونار كابينەتتەر بار. سوڭعىسىندا بەينەكامەرالار ورناتىلعان. ءبىر كامەرا ادامنىڭ بويىن تۇسىرسە, ەكىنشىسى – ميميكالىق قوزعالىستارىن تۇسىرەدى. ال ارنايى تەكسەرۋ كرەسلوسى جاڭا قۇرالدارمەن جابدىقتالعان. وعان قان تامىرىنىڭ سوعۋىن, ادامنىڭ ميميكاسىن جانە قوزعالىسىن تىركەيتىن 7 تەتىك قوسىلعان. وعان قوسا,  پوليگرافولوگتاردى وقىتامىز. سونداي-اق, ءتيىستى قوندىرعىلار ساتىلادى, تولىق تەحنيكالىق سۇيەمەلدەۋ, كەپىلدى جانە كەپىلدەن كەيىنگى قىزمەتتەر كورسەتىلەدى. پوليگراف ەموتسيانى تەكسەرىپ, ءبارىن تولىق جازادى: كوزدىڭ قوزعالىسىنان باستاپ, ارتەريالدىق قىسىمىن ولشەۋدى, ادام قوزعالىپ, ونىڭ تىنىس الۋى وزگەرگەنگە دەيىنگى قىسىمىن ولشەيدى. سوندىقتان پوليگرافتى الداۋ مۇمكىن ەمەس. سونىمەن قاتار, ورتالىقتا 20 ادامعا ارنالعان وقۋ سىنىبى اشىلدى.
–سىنىپتىڭ جۇمىسى نە؟
–مۇندا ءبىلىم الىپ, تەستىلەۋ بارىسىن باقىلاۋعا بولادى. بارلىق ءۇش كابينەت ءوزارا بەينەكامەرالارمەن, دىبىستىق قوندىرعىلارمەن جانە باقىلاۋ تەحنيكاسىمەن بايلانىسقان.

ەركەجان ساتىمبەك