استانالىقتار مەن ەلوردا قوناقتارى ءۇشىن ناۋرىز مەيرامىنىڭ باستى شاراسى 21 ناۋرىز كۇنى «قازاق ەلى» مونۋمەنتى جانىنداعى الاڭدا وتەتىن بولىپ وتىر. مەرەكەلىك سەرۋەنگە شىعاتىن حالايىقتىڭ كوڭىل-كۇيىن كوتەرەتىن قىزىقتىڭ ءتۇر-تۇرىنە كەنەلمەكپىز.
الاڭعا جينالعان جۇرت ءتۇرلى قىزىقتى تاماشالاپ قانا قويماي, وزدەرى دە مەرەكەلىك شارالاردىڭ كەيىپكەرى بولۋىنا مۇمكىندىك قاراستىرىلعان. ماسەلەن, قالاعان ادام اسىق اتۋ, كۇرەس جانە باسقا دا سپورت سايىستارىنا قاتىسا الادى. كوشپەلى تسيركتىڭ كورسەتىلىمى, قولونەر شەبەرلەرىنىڭ كورمە-ساۋداسى, «كوكتەم تۋرالى پلەنەرلىق مۋزىكا جانە الەمدىك كوركەم سۋرەت» ينستاللياتسياسى, تۇركى حالىقتارى تاعامدارىنىڭ فەستيۆالى كوپشىلىكتىڭ كوڭىلىن كوتەرەرى ءسوزسىز.
ال, «مۋزارت», «جىگىتتەر», «كەشYOU», «قوڭىر», «AssyL», «The Jigits» توپتارى, «سازگەن سازى» فولكلورلىق ءانسامبلى, «شاتتىق», «سالتانات», «شولپان», «Wake-up» بي ۇجىمدارى, «ەلىگاي» جاسوسپىرىمدەر حورى, تامارا اسار, ءالي وقاپوۆ جانە ديماش قۇدايبەرگەن سىندى انشىلەردىڭ كونتسەرتى مەرەكەنىڭ مارتەبەسىن بيىكتەتە تۇسپەك.
سونداي-اق, 22 ناۋرىز كۇنى قالا اكىمدىگى الدىنداعى الاڭدا وتەتىن حالىقتىق سەرۋەن مەن مەرەكەلىك كونتسەرت تە استانالىقتار مەن ەلوردا قوناقتارىنىڭ كوڭىل-كۇيىن كوتەرەتىن بولادى.
