ەلباسى – ەلوردا ارحيتەكتورى

نۇر-سۇلتان قالاسىنىڭ اكىمدىگى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن بىرلەسىپ قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي «ەلباسى جانە ەل مۇراتى: تۇراقتىلىق, جاسامپازدىق, ساباقتاستىق» اتتى عىلىمي-تاجىريبەلىك كونفەرەنتسيا وتكىزدى. ەلباسىنىڭ ۇزەڭگىلەستەرى, مەملەكەت جانە قوعام قايراتكەرلەرى, عالىمدار, زيالى قاۋىم وكىلدەرى, ستۋدەنتتەر قاتىسقان القالى جيىندا ەلوردا اكىمىنىڭ ورىنباسارى باقتيار ماكەن بۇل اتاۋلى مەرەكەنىڭ ماڭىزىن, ەلباسىنىڭ ەلدى دامىتۋداعى ەڭبەگىن اتاپ ءوتتى.– تۇڭعىش پرەزيدەنت-ەلباسى نۇرسۇلتان نازارباەۆ تاۋەلسىز ەلى­مىزدى قالىپتاستىرىپ, مەملەكەتىمىزدىڭ ساياسي تۇراق­تىلىعى مەن ىرىس-ىنتىماعىنىڭ مىزعىماس كەپىلى رەتىندە حالىقتىڭ زور ىقىلاسىنا بولەنىپ كەلەدى. ەلباسى نەگىزىن قالاعان ىشكى جانە سىرتقى ساياساتىنىڭ ناتيجەسىندە جاس مەملەكەتىمىز بۇگىنگى تاڭدا ەكونوميكالىق تۇرعىدان دامىپ, حالىقتىڭ ءال-اۋقاتى ارتتى. نۇرسۇلتان ءابىشۇلىنىڭ سايا­سي ەرىك-جىگەرىنىڭ ارقاسىندا ەلوردامىز الاتاۋدان ارقاعا كوشىرىلدى. قالا تەك ساۋلەتىمەن عانا ەمەس, داۋلەتىمەن دە الەمگە تانىلدى. ەلوردامىزدىڭ دۇنيە جۇزىنە تانىمال بولۋىنا تۇڭعىش پرەزيدەنتىمىزدىڭ قوسقان ۇلەسى وراسان زور.
«ەلباسىمىز – ەلوردانىڭ ارحيتەكتورى» دەپ ايتامىز. تۇڭعىش پرەزيدەنتتىڭ باستامالارى ناتيجەسىندە ەلوردامىزدىڭ ءىرى حالىقارالىق ساياسي-ەكونوميكالىق, رۋحاني-سپورتتىق شارالارعا ءتورى ۇسىنىلىپ, الەم الدىنداعى تاتۋلىق پەن بىرلىكتى ناسيحاتتايتىن كەلبەتى دە قالىپتاستى. ەۋروپاداعى قاۋىپسىزدىك جانە ىنتىماق­تاستىق ۇيىمى ءسامميتى, ازيانىڭ قىسقى ويىندارى, «ەكسپو-2017» حالىقارالىق كورمەسى جانە باسقا دا كوپتەگەن حالىقارالىق شارالار ەلوردامىزدا ءوتتى. «استانا» ەكونوميكالىق فورۋمى, ەۋرازيالىق مەديافورۋم جانە الەم دىندەرىنىڭ قۇ­رىل­تايى ءداستۇرلى تۇردە وتكىزى­لىپ كەلەدى. ەلوردامىز – حالىق­­ارالىق دەڭگەيدەگى ۇلكەن-ۇلكەن شارالاردىڭ باستاماشىسى» دەدى باقتيار ­ماكەن.
قالا اكىمىنىڭ ورىنباسارى تاۋەلسىزدىگىمىزدى بەكىتۋدەگى ەلباسىمىزدىڭ ەرەن ەڭبەگىنە توقتالىپ, تۇڭعىش پرەزيدەنت پەن مەملەكەت باسشىسى قاسىم-جومارت توقاەۆ ساياساتىنداعى ساباقتاستىقتى اتاپ ءوتتى. استانامىزدى ەلباسىنىڭ ەسىمىمەن اتاۋ ۇسىنىسى تاريحي شەشىم بولعانىن ايتىپ, جيىرما جىلدىق كەزەڭدە ەلوردانىڭ دامۋ كورسەتكىشتەرىنە توقتالدى.
– تۇڭعىش پرەزيدەنت كۇنىن اتاپ ءوتۋ – مەملەكەتىمىزدىڭ قالىپتاسۋى مەن دامۋىنداعى نۇرسۇلتان ءابىشۇلىنىڭ ەرەن ەڭبەگىنە, ەلىمىزدىڭ تاۋەلسىزدىگىنە كورسەتىلگەن قۇرمەت ەكەنىن ءمالىم ەتتى شاھار باسشىسىنىڭ ورىنباسارى.