ەلوردالار ەندىگى

استانا. قازاقستان مەن رەسەي فەدەراتسياسى ارناۋلى قىزمەتتەرى باسشىلارىنىڭ حالىقارالىق لاڭكەستىكپەن كۇرەس سالاسىندا ىنتىماقتاستىقتى كەڭەيتۋ ماسەلەلەرى بويىنشا كەڭەس ءوتتى. كەڭەس قورىتىندىسىندا ەكى تاراپ ىنتىماقتاستىقتىڭ ودان ءارى دامۋىنا جالپى مۇددەلىلىك تانىتتى جانە ارناۋلى قىزمەتتەردىڭ ستراتەگيالىق ارىپتەستىگىنە وڭ باعاسىن بەردى.
نيۋ-دەلي. ءۇندىستان ۇكىمەتى كەدەي وتباسىلارىن كارتوچكالى جۇيەمەن بازالىق ازىق-تۇلىكپەن قامتاماسىز ەتۋدىڭ باعدارلاماسىن قابىلدادى. تاۋارلاردىڭ اراسىندا كۇرىش, بيداي جانە باسقا دا استىق تۇقىمداستارى بار. ۆۆس-ءدىڭ جازۋىنشا, ازىق-تۇلىك كەدەيشىلىكتىڭ تاۋقىمەتىن تارتىپ جۇرگەن 800 ملن تۇرعىنعا تاراتىلۋى ءتيىس. ءۇندىستاننىڭ ۇلتتىق كونگرەسس پارتياسىنىڭ ءتورايىمى سونيا گاندي مەملەكەتتىك دۇكەندەردە بيداي الۋ قۇقىن بەرەتىن كارتوچكالاردى ءبىر توپ ايەلدەرگە تاراتىپ ۇلگەردى.
ەر-رياد. ساۋد ارابياسىنىڭ يسلام, ۋاقف جانە ۋاعىز-ناسيحات ءىسى جونىندەگى مينيسترلىگى ەلدىڭ ءار تۇكپىرىندەگى 635-تەن استام مەشىتتى قايتا جوندەۋدەن وتكىزبەك. بۇل جوبا كورول ابداللا يبن ابدەل ازيزا ال ساۋدتىڭ ارنايى باعدارلاماسى شەڭبەرىندە جۇزەگە اسپاق. مينيستر ابدۋللا بين ءيبراھيمنىڭ ايتۋىنشا, بۇل جوباعا 134 ميلليون دوللار قارجى جۇمسالماق.
برازيليا. برازيليادا 2014 جىلى فۋتبولدان وتەتىن الەم چەمپيوناتىنىڭ ماتچتەرىنە بيلەتتەردى ساتۋ باستالادى. الدىن الا وتىنىمدەر حالىقارالىق فۋتبول فەدەراتسياسىنىڭ سايتىندا 10 قىركۇيەككە دەيىن قابىلدانادى. ۆۆس-ءدىڭ جازۋىنشا, ەگەر دە ناقتى ءبىر ويىنعا بيلەتتى ساتىپ الۋعا نيەتتىلەردىڭ سانى قولجەتىمدى بيلەت كولە­مى­نەن­ اسىپ تۇسسە, وتىنىمدەر اراسىندا لوتەرەيا جۇرگىزىلەدى. جالپى ساتىلىمعا باعاسى 15 دول­لاردان باستاپ (برازيلياداعى جەرگىلىكتى جانكۇيەر ءۇشىن)1 مىڭ دوللارعا دەيىنگى (فينالدىق ماتچتىڭ قاراپايىم بيلەتى ءۇشىن) 3 ميلليوننان استام بيلەت تۇسەدى.