بالالارعا بازارلىق
استانا قالاسىنىڭ ەسىل اۋدانىندا كوپ بالالى جانە تۇرمىسى ناشار وتباسىلارىنان شىققان 60 بالاعا مەكتەپ فورماسى, كەڭسە تاۋارلارى مەن ريۋكزاكتار, سپورت زاتتارى بەرىلدى.
وتكەن جىلى 6 مىڭ بالاعا ءجاردەم كورسەتىلگەن. بيىل 8 مىڭعا جۋىق بالانى قامتۋ جوسپارلانىپ وتىر. اتاپ ايتقاندا, № 7, 49, 15, 18, 61, 20, 50, 23, 65, 34, 54, 19, 40 مەكتەپتەردە وقيتىن بالالارعا كومەك كورسەتىلدى.
«ءبىز جولداعى قاۋىپسىزدىكتى قولدايمىز!»
استانادا كاسىپقوي اۆتوشاباندوزدار مەن بايكەرلەردىڭ قاتىسۋىمەن «ءبىز جولداعى قاۋىپسىزدىكتى قولدايمىز!» اۆتوشەرۋى ءوتتى.
اۆتوشەرۋ قالانىڭ ەسكى ءبولىگىندە باستالىپ, سول جاعالاۋدا «بايتەرەك» مونۋمەنتىنىڭ جانىندا اياقتالدى. ولار جول پوليتسياسى قىزمەتكەرلەرىنىڭ كولىكتەرىندە دىبىس كۇشەيتكىش قۇرالداردىڭ كومەگىمەن ۇگىت-ناسيحات جۇمىستارىن جۇرگىزدى.
جاڭا ەمحانا اشىلادى
قاراشا ايىندا ەلوردانىڭ سارىارقا اۋدانى اۋماعىندا ءبىر اۋىسىمدا 750 كەلۋشىنى قابىلدايتىن جاڭا ەمحانا اشىلادى.
حالىققا ساپالى مەديتسينالىق كومەك كورسەتۋ ماقساتىندا جىل سوڭىنا دەيىن استانا قالاسىنىڭ الماتى-2, سەيفۋللين, جامبىل كوشەلەرىنىڭ اۋماعىندا جاڭا امبۋلاتورلىق-ەمحانالىق كەشەن ء(بىر اۋىسىمدا 500 كەلۋشىگە ارنالعان ەرەسەكتەر ەمحاناسى مەن 250 كەلۋشىگە ارنالعان بالالار ەمحاناسى) اشۋ جوسپارلانعان.
ۇزدىك جارناما تاڭدالادى
ەلوردادا قازاقستان حالقى تىلدەرىنىڭ 15-ءشى قالالىق فەستيۆالىنىڭ اياسىندا «ۇزدىك جارناما» بايقاۋى وتەدى.
بايقاۋعا قاتىسۋشىلار 3-5 مينۋتتىڭ ىشىندە قازىلار القاسىنا وزدەرىنىڭ ەڭبەكتەرىن (سلايدتار) تانىستىرىپ شىعادى. بايقاۋ قورىتىندىسى 18 قىركۇيەكتە شىعارىلادى. سالتاناتتى ماراپاتتاۋ راسىمىندە بايقاۋ جەڭىمپازدارى مەن جۇلدەگەرلەرىنە ديپلومدار مەن باعالى سىيلىقتار تابىس ەتىلەدى.
سانسويلەم
سوڭعى جەتى ايدا شاعىن جانە ورتا بيزنەستە قىزمەت ەتەتىن استانالىق كاسىپكەرلەردىڭ سانى 7,7%-عا ارتىپ, وسىنشا ادامدى قۇرادى.
كەشە…
استانالىق تسيركتە «دجۋنگلي شاقىرادى» تسيركتىك باعادارلاماسى قويىلدى.
بۇگىن…
استانا قالاسىنداعى №54 مەكتەپتە 12 جىلدىق ءبىلىم بەرۋ جۇيەسىن ەنگىزۋگە ارنالعان ءماجىلىس وتەدى.
ەرتەڭ…
ساع 11.00-دە اباي ەسكەرتكشىنىڭ الدىندا ابايدىڭ تۋعان كۇنىنە ارنالعان «ابايدىڭ رۋحاني مەكتەبى» اتتى ادەبي-سازدى ءىس-شارا وتەدى.
ەركەجان ساتىمبەك
