قازىرگى تاڭدا تەحنوكراتيالىق ويلاۋ جۇيەسى قالىپتاسىپ, جوعارى دارەجەدەگى قارقىنمەن دامۋدا. وسى تۇستا مەملەكەتتىڭ جانە قوعامنىڭ سانالى وكىلدەرى وتكەن تاريحي كەزەڭدەردەگى دەرەكتەردى بولاشاق ۇرپاققا جەتكىزۋ ماقساتىندا ساقتاپ قالدىرۋ جاۋاپكەرشىلىگىنە ەرەكشە ءمان بەرىپ, ءبىرشاما ءىس-شارالار جاساۋدا.
قوعامدىق قاتىناستاردىڭ دامۋى اقپاراتتىق رەسۋرستارعا دەگەن سۇرانىستاردى ارتتىرىپ وتىر. اقپاراتتىق رەسۋرستاردىڭ قوعام ومىرىندەگى شىنايى ءمانى, زور اقپاراتى بار قۇجاتتاردىڭ ۇلكەن جيىنتىعىن ساقتايتىن مۇراعات مەكەمەلەرى ەكەنى راس.
مۇراعات – حالىقتىڭ تاريحي ەسكەرتكىشتەرىنىڭ ورتالىعى جانە ۇلتىمىزدىڭ تاريحي-مادەني مۇراسىن ساقتاۋداعى جۇزەگە اسىراتىن, قوعامنىڭ الەۋمەتتىك-قۇقىقتىق, ساياسي, عىلىمي جانە رۋحاني قاجەتتىلىگىن قاناعاتتاندىراتىن مەملەكەتتىك نەگىزگى اتريبۋتتارىنىڭ ءبىرى بولىپ تابىلادى. بۇدان بۇرىندا مۇراعات ءىسىنىڭ وركەندەۋى ەرتەدەن ەلدىڭ وركەنيەت دەڭگەيىن, ءوز تاريحىنا دەگەن كوزقاراسىن كورسەتەتىن ولشەم بولعان. مۇراعات ءىسى – عىلىم, مادەنيەت جانە باسقارۋ اپپاراتىنىڭ اجىراماس بولىگى بولىپ تابىلادى. مۇراعاتتا ءار كەزەڭدەگى تاريحي وقيعالار, قوعامنىڭ ساياسي-الەۋمەتتىك, ەكونوميكالىق باعىتتارى جونىندە قۇندى قۇجاتتار ساقتالادى.
ادەتتە, وركەنيەتكە ۇمتىلعان مەملەكەت حالىقتىڭ ەستەلىك قۇجاتتارىن ساقتاۋعا ارقاشاندا مىندەتتى. استانا قالاسىنىڭ نوتاريۋستارىنا جانە قوعام مەن ازاماتتاردىڭ مۇددەسى ءۇشىن وسىنداي جۇيەنىڭ قاجەتتىگى كۇن سايىن سەزىلە ءتۇستى.
بۇل ورايدا قازاقستان رەسپۋبليكاسىنىڭ «نوتاريات تۋرالى» زاڭىنىڭ 15 جىلدىق مەرەكەسىنە بايلانىستى 2012 جىلدىڭ شىلدە ايىنىڭ 12-ءشى جۇلدىزىندا استانا قالاسىنداعى ەسىلدىڭ سول جاعالاۋىندا جەكە نوتارياتتىق مۇراعات سالتاناتتى تۇردە اشىلىپ, ءوز قىزمەتىن اتقارۋدا.
نوتارياتتىق مۇراعات ورنالاسقان ورىنجاي – ازىرگە قازاقستاننىڭ بارلىق وبلىستارىنىڭ اراسىندا مەملەكەتتىك ستاندارتتار مەن تالاپتارعا ساي جوعارى تەحنولوگيالىق مۇراعاتتىق قۇندىلىقتارمەن جابدىقتالعان بىردەن-ءبىر مەكەمە. مۇندا ەلىمىزدىڭ نوتاريالدى قۇندى قۇجاتتارىن ساقتاۋ ءۇشىن سوڭعى ۇلگىدەگى قوزعالمالى سورەلەر, تەحنيكالىق قۇرال-جابدىقتار, ءورت دابىلى, ءورت ءسوندىرۋ جابدىقتارىمەن تولىقتاي جابدىقتالعان.
وسى جىلى استانا قالاسى نوتارياتتىق پالاتاسىنىڭ مۇشەلىگىنەن شىققان جانە قايتىس بولعان نوتاريۋستاردىڭ 2524 مۇراعاتتىق قۇجاتتارى قابىلداندى.
سونىمەن قاتار, سارعايعان نوتاريالدى اقتاڭداقتارعا جاڭا عۇمىر سىيلاعان نوتارياتتىق مۇراعاتتىڭ قورىنا 2013 جىلدىڭ 29 ساۋىرىنەن باستاپ استانا قالاسى نوتاريۋستارىنىڭ 1998-2002 جىلدار ارالىعىندا جاسالعان نوتاريالدى مۇراعاتتىق قۇجاتتارى تاپسىرىلۋدا.
قازىرگى تاڭدا, نوتارياتتىق مۇراعاتتىڭ قىزمەتكەرلەرى نوتاريالدى مۇراعاتتىق قۇجاتتارعا عىلىمي-تەحنيكالىق وڭدەۋ, قۇجاتتاردى قايتا قالپىنا كەلتىرۋ, مۇراعاتتىق قۇجاتتارعا ىشكى تىزىمدەمە جاساۋ, تۇراقتى, 75 جىل جانە ۇزاق مەرزىمدى (25 جىل ساقتالاتىن قۇجاتتار) ساقتالاتىن قۇجاتتاردىڭ ءتىزىمدەمەسىن جاساۋ, ۋاقىتشا ساقتاۋداعى قۇجاتتاردىڭ ساقتاۋعا جاتپايتىن قۇجاتتاردى جويۋعا ءبولۋ تۋرالى اكتىلەرىن جاساۋ, قور بەرۋ جۇمىستارىن جۇرگىزۋدە. سونداي-اق, اتالعان جۇمىستار اياقتالعان ساتتە نوتاريالدى مۇراعاتتىق قۇجاتتاردى قوراپتارعا سالىپ, ارنايى قوزعالمالى سورەلەرگە ورنالاستىرۋ جۇمىستارىن ىسكە اسىرۋدا.
الداعى ۋاقىتتا مۇراعاتىمىز ءوز جۇمىسىن ودان ءارى دامىتۋدى جوسپارلاپ, ۇلكەن جەتىستىكتەرگە جەتۋدى كوزدەپ وتىر. مۇراعاتتىڭ قىزمەتكەرلەرى بەلگىلەنگەن تارتىپتەر بويىنشا نوتاريالدى مۇراعاتتىق قۇجاتتاردى كوزدىڭ قاراشىعىنداي ساقتاپ, بولاشاقتا قوعام مەن ازاماتتاردىڭ ءمۇددەلەرى ءۇشىن پايدالانۋدى قامتاماسىز ەتۋ ماقساتىندا قىزمەت اتقارادى. سونداي-اق, مۇراعات قورىنا كەلىپ تۇسكەن قۇجاتتاردى جيناقتاپ, ولاردىڭ فيزيكالىق جانە بيولوگيالىق جاعدايىن تەكسەرەدى. ەگەر قۇجاتتار ەسكىرىپ نەمەسە بيولوگيالىق جاي-كۇيگە ۇشىراپ بۇلىنگەن جاعدايدا قۇجاتتاردى قايتا قالپىنا كەلتىرۋ جۇمىستارىن ىسكە اسىرادى.
قازاقستان رەسپۋبليكاسىنىڭ «نوتاريات تۋرالى» زاڭىنا جانە قازاقستان رەسپۋبليكاسىنىڭ «ۇلتتىق مۇراعات قورى جانە مۇراعاتتار تۋرالى» زاڭىنا سايكەس استانا قالاسىنىڭ نوتارياتتىق پالاتاسى «جەكە نوتارياتتىق مۇراعات» فيليالىنىڭ جۇمىس ىستەۋ پروتسەسىنىڭ باعىتتارى تومەندەگىدەي مىندەتتەردى اتقارادى:
1) استانا قالاسىنىڭ جەكەشە نوتاريۋستارىنىڭ نوتاريالدى قۇجاتتارىن ساقتاۋعا قابىلداۋ;
2) قۇجاتتاردىڭ ساقتالۋىن قامتاماسىز ەتۋ, ولاردى مەملەكەت, قوعام جانە ازاماتتار ءمۇددەسىنە ساي قولدانۋ;
3) قۇجاتتاردىڭ ەسەبىن جۇرگىزۋ, ۇيىمدار مەن ازاماتتاردى اقپاراتتىق قامتاماسىز ەتۋ, مۇراعاتتانۋ مەن قۇجاتتانۋ سالاسى بويىنشا جەكەشە نوتاريۋستارعا ادىستەمەلىك جۇمىستار جۇرگىزۋ, تولىقتىرۋ كوزى بولىپ تابىلاتىن جەكەشە نوتاريۋستار ءۇشىن ارنايى ادىستەمەلىك قۇرالدار ازىرلەۋ مىندەتتەرىن جۇزەگە اسىرۋ.
سونىمەن قاتار, مۇراعات قىزمەتكەرلەرىنىڭ جۇمىس ىستەۋىنە جانە قۇندى قۇجاتتاردى الداعى جۇزجىلدىققا ساقتاپ جەتكىزۋگە بارلىق جاعدايلار جاسالعان. مۇراعات قىزمەتىنىڭ مىندەتى – جيناۋ, جۇيەلەۋ, ساقتاۋ, مۇراعاتتىق قۇجاتتارمەن تانىسامىن, مۇراعاتتىق انىقتاما الامىن دەگەن جاننىڭ نازارىنا ۇسىنۋ.
قورىتا ايتقاندا, ەلىمىز ءۇشىن, ۇلتىمىزدىڭ ۇرپاعى ءۇشىن, بولاشاعىمىزدىڭ تاريحى ءۇشىن ايانباي ەڭبەك ەتىپ, توم-توم بولىپ جينالىپ جاتقان قۇجاتتاردى كەلەشەك ۇرپاققا امانات رەتىندە جەتكىزۋ ءبىزدىڭ ءمىندەتىمىز ەكەنىن ايتقىم كەلەدى.
م.ە. قۇسايىنوۆ,
استانا قالاسى ادىلەت دەپارتامەنتىنىڭ
قۇقىقتىق ءتۇسىندىرۋ جانە حالىققا
زاڭگەرلىك كومەك كورسەتۋ
ءبولىمىنىڭ باسشىسى
