– قازاقستان تاۋەلسىزدىك الىپ, نارىقتىق قاتىناستارعا كوشكەننەن كەيىنگى مەزگىل – قيىنشىلىقتان ەل ەڭسەسىن ەندى تىكتەپ, العا ۇمتىلىپ جاتقان شاق. شىندىعىندا, سول ءبىر جىلدار ءتۇيىنى تارقاتىلماعان كۇردەلى كەزەڭ ەدى.
ەلباسى استانانى اقمولاعا بەكەر كوشىرگەن جوق. ونىڭ ءتۇرلى سەبەپتەرى بار. اقمولا – توعىز جولدىڭ تورابىندا, ەلىمىزدىڭ گەوگرافيالىق ورتالىعىندا ورنالاسقان شاھار. ارينە, وعان گەوساياسي, دەموگرافيالىق جانە ەتنومادەني جاعدايلاردىڭ اسەرى دە ءتيدى دەپ ويلايمىن. سونداي قىم-قۋىت شاقتا, ءتۇرلى قيىندىق پەن كەدەرگىگە قاراماستان, ۇتىمدى شەشىمدەردى تاۋىپ, استانانى اۋىستىرۋ وتە باتىل شەشىم بولدى. قۇلاگەردى تانىعان كۇرەڭباي سىنشىداي كەلەشەكتى كورە بىلگەن كورەگەندىلىكپەن جۇزەگە اسقان يگىلىكتى ءىس.
باسقاسىن بىلاي قويعاندا, مەملەكەتىمىزدە ساۋىرىنا قامشى سالدىرمايتىن تۇلپار ۋاقىتپەن ساناسقان زاماناۋي كوركەم قالا سالىندى. ول ەلدىڭ ساياسي, مادەني, رۋحاني ورتالىعى عانا ەمەس, ەل ەكونوميكاسىن العا سۇيرەگەن لوكوموتيۆكە اينالدى. ەلباسىنىڭ ۇيعارىمىمەن اۋەلى اقمولا وبلىسىنىڭ اكىمى, ودان كەيىن ۇكىمەت باسشىسىنىڭ ورىنباسارى رەتىندە وسى قازاق ەلى تاريحىنداعى جۇلدىزدى جوبا – تاۋەلسىز قازاقستان ءوزى تاڭداعان باس قالاسىنىڭ قۇرىلىسىنا ازدى-كوپتى ۇلەس قوسقانىمدى تاعدىرىمنىڭ ەڭ ءبىر ماڭىزدى شەشۋشى ءساتى دەپ ويلايمىن. ەسىلىپ اققان ەسىلدىڭ جاعاسىندا بوي كوتەرگەن ەلوردانىڭ از مەرزىم اراسىندا قىران قۇستاي تۇلەپ, الەم تانىعان اسەم شاھارعا اينالعانىن كوزبەن كورىپ, كوڭىلىمىز ءسۇيسىنىپ وتىرادى. ارقا توسىندە ايداي سۇلۋ بولىپ, بويجەتكەن استانانىڭ بولاشاعى جارقىن, ودان ءارى قۇلاشىن كەڭ جازىپ داميدى. بۇعان كامىل سەنەمىن. تاۋەلسىزدىگىمىز ماڭگىلىك باياندى بولىپ, ەل ءۇشىن قىزمەت ىستەپ جۇرگەن ازاماتتاردىڭ ەڭبەكتەرى جەمىستى بولا بەرسىن!
جانىبەك كارىبجانوۆ,
مەملەكەت جانە قوعام قايراتكەرى
