ەلوردا اكىمدىگىنىڭ قولداۋىمەن «ەسىرتكىسىز بولاشاق!» ۇرانىمەن رەسپۋبليكالىق ەسىرتكىگە قارسى اكتسيا ءوتتى.
اكتسيا حالىقتىڭ نازارىن ناشاقورلىق پروبلەماسىنا اۋدارۋعا, نەگىزگى تاۋەكەل توبىنىڭ – جاسوسپىرىمدەر مەن جاستاردىڭ پروبلەمالارىن كەشەندى شەشۋ قاجەتتىلىگىنە, سالاۋاتتى ءومىر سالتىن جۇرگىزۋدىڭ ورنىقتى قاعيداتتارىن قالىپتاستىرۋعا, سونداي-اق ەسىرتكىگە تاۋەلدىلەرگە قاجەتتى مەديتسينالىق-الەۋمەتتىك كومەك كورسەتۋگە باعىتتالعان.
ءىس-شاراعا قالانىڭ ەرىكتىلەرى قاتىستى, ولار بەلسەندى تۇردە پاراقشالار تاراتۋعا كومەكتەسىپ, ەسىرتكى زاتتارىنىڭ زيانى تۋرالى ءتۇسىندىردى. پاراقشالاردى العان ادامدار اۆتوماتتى تۇردە باعالى سىيلىقتار ويناتىلاتىن بايقاۋدىڭ قاتىسۋشىسى بولدى.
«بۇگىن ءبىز ەرىكتىلەرمەن بىرگە پاراقشالار مەن اقپاراتتىق بۋكلەتتەردى تاراتۋعا قاتىسامىز. بۇل بۋكلەتتەر حالىقتى ەسىرتكىنىڭ زيانى تۋرالى حاباردار ەتەدى, وسى جەردەن اتا-انالار ءۇشىن پايدالى اقپاراتتى تابۋعا بولادى, ولار پاراقشانى وقىعاننان كەيىن جاسوسپىرىمدەر اراسىنداعى ەسىرتكىگە تاۋەلدىلىكتىڭ العاشقى بەلگىلەرى تۋرالى تۇسىنە الادى» دەدى بەلسەندى اديا احمەتوۆا.
ءىس-شارا ەلوردا اكىمدىگىنىڭ, نۇر-سۇلتان قالاسى پوليتسيا دەپارتامەنتىنىڭ باستاماسىمەن, سونداي-اق ۇكىمەتتىك ەمەس ۇيىمداردىڭ جانە اكىم اپپاراتىنىڭ مەملەكەتتىك باسقارماسىنىڭ قاتىسۋىمەن وتكىزىلدى.
