جىل باسىنان بەرى نۇر-سۇلتان قالالىق پوليتسيا دەپارتامەنتى پارا بەرۋشىلەرگە قاتىستى 16 قىلمىستىق ءىس تىركەپ, سوتقا جولدادى. 2 قۇقىق بۇزۋشىعا قاتىستى اكىمشىلىك ماتەريال تولتىرىلدى.
ماسەلەن, قىلمىستىق تەرگەۋدى توقتاتۋ ءۇشىن 100 مىڭ تەڭگە كولەمىندە پارا بەرگەنى ءۇشىن ەلوردانىڭ 40 جاستاعى تۇرعىنى ۇستالدى. سونداي-اق ۆەدومستۆو مالىمەتىنشە, پاترۋلدىك پوليتسيا پولكىنىڭ ەكيپاجى قالا كوشەلەرىن شولعىنداۋ كەزىندە «Mazda 323» ماركالى اۆتوكولىكتى توقتاتادى. ال اتالعان كولىكتىڭ جۇرگىزۋشىسى تەحنيكالىق بايقاۋدان وتپەگەنى ءۇشىن اكىمشىلىك حاتتاما تولتىرتپاۋ ماقساتىندا پارا بەرۋگە تىرىسقان. جول ەرەجەسىن بۇزعان «Toyota» ماركالى اۆتوكولىكتىڭ جۇرگىزۋشىسى دە ءدال وسىنداي جولمەن اكىمشىلىك جاۋاپكەرشىلىكتەن جالتارۋعا ارەكەت جاساعان. بىراق پوليتسيا قىزمەتكەرلەرى اتالعان فاكتىلەردىڭ جولىن كەسىپ, زاڭعا قايشى ارەكەتتەردى قىزمەتتىك بەينەتىركەگىشكە جازىپ العان.
وسىعان وراي, نۇر-سۇلتان قالالىق پوليتسيا دەپارتامەنتى پارا بەرگەنى ءۇشىن ايىپپۇل نەمەسە 15 جىلعا دەيىنگى مەرزىمگە باس بوستاندىعىنان ايىرۋ تۇرىندە قىلمىستىق جاۋاپكەرشىلىك قاراستىرىلعانىن ەسكە سالادى.
