«يۋجنىي» جانە «راسسۆەت» گاراج كووپەراتيۆىنىڭ «جىرى» بىتپەي جاتقانىنا 10 جىلدان استى. جۋىردا قالالىق ءماسليحات دەپۋتاتى سارسەنبەك ءجۇنىسوۆ اتالمىش گاراج يەلەرىمەن ەكى رەت كەزدەسىپ, تۇيتكىلدەرىن تىڭدادى. دەپۋتات قۇرىلىس سالۋشى مەن جاۋاپتى ورگاندارعا شىعىپ, انىق-قانىعىن تۇرعىندارعا جەتكىزدى.
بۇل گاراجدار ىسىرىلىپ جاتىر ەكەن. الايدا يەلەرى وتەماقى الا الماي وتىر. سونداي-اق, تۇرعىندار ىسىرىلۋ كەستەسى قايتا-قايتا وزگەرە بەرگەن سوڭ, اۋماقتىڭ تولىعىمەن بوسايتىن ۋاقىتىن بىلە الماي, دال بولعان. ونىڭ ۇستىنە, بۇل جەر قوقىس تاستايتىن ورىنعا اينالىپ كەتكەن. ماڭايدا بىرەۋدىڭ مۇلكىن ۇرلاۋ جاعدايلارى دا جيىلەگەن.
تۇرعىندار اتالمىش جەر تەلىمىنە قۇرىلىس سالۋشىنىڭ بەلگىلەنگەنىن نەمەسە بەلگىلەنبەگەنىن ءبىلۋ, وتەماقى قاشان تولەنە باستايتىنىن انىقتاۋ ءۇشىن ماسليحاتقا شاعىمداندى. سارسەنبەك
ءجۇنىسوۆ مۇنىڭ ءبارىن انىقتاپ بەردى.
بەلگىلى بولعانداي, قۇرىلىس سالۋشىعا گاراجداردى ىسىرۋدى, وتەماقى تولەۋدى جالعاستىرۋ ءۇشىن الدىندا قالالىق اكىمدىكپەن جاسالعان كەلىسىمشارتتى سوزۋ كەرەك. دەپۋتات بۇل قاعازدارعا قىركۇيەك ايىندا قول قويىلاتىنىن جەتكىزدى.
«بۇگىنگى كۇنى قۇرىلىس سالۋشىنى اۋىستىرۋ قيىن تيەدى. سەبەبى ول 15 مىڭعا جۋىق گاراجدى ساتىپ الىپ ۇلگەرگەن. اكىمدىككە ول ءۇشىن وسىنشاما گاراجدى قۇرىلىس سالۋشىدان ساتىپ الۋ كەرەك بولادى. ءتيىستى فيرما ءوزىن جاقسى جاعىنان كورسەتكەندىكتەن, وسى كۇنگە دەيىن الاياقتىققا بارماعاندىقتان, اكىمدىك ونىمەن كەلىسىمشارتتى سوزۋ شەشىمىنە كەلدى» دەدى س.ءجۇنىسوۆ گاراج يەلەرىنە. بۇعان قوسا, ىسىرۋدى جىلدامداتۋ ماقساتىندا اۋماقتىڭ ءبىر بولىگى تاعى ءبىر ءىرى قۇرىلىس كومپانياسىنا بەرىلەدى.
جەر تەلىمدەرىن يگەرۋ بىرنەشە كەزەڭدى قامتيدى. بۇگىندەرى قۇرىلىستىڭ جوباسى ازىرلەنىپ, بەكىتىلگەن. ءبىرىنشى كەزەكتەگى قۇرىلىس بيىل وقۋشىلار سارايى ارتىندا باستالادى. ەكىنشى جانە ءۇشىنشى كەزەكتەگى جوبالاۋ مەن قۇرىلىس 2019 جانە 2020 جىلدارى قولعا الىنادى. گاراجداردى الۋ تۇراقتى تۇردە جۇرگىزىلەدى. بۇل ۇدەرىس يەلەرىمەن كەلىسۋ نەگىزىندە جانە ينۆەستور بەكىتكەن باعامەن جۇرەدى. وسى باعا قازىرگى كۇنگە 2 ملن تەڭگەدەن اسادى.
سارسەنبەك ءجۇنىسوۆتىڭ سوزىنشە, بۇل اۋماقتا مەملەكەت مۇقتاجدىعى ءۇشىن ءۇش جەر تەلىمى قاراستىرىلعان. بۇل جەر تەلىمدەرىندە 1200 ورىنعا ارنالعان مەكتەپ سالىنادى.
«بۇل اۋدانعا كەمىندە ەكى مەكتەپ كەرەك. ەگەر وسى جەردە قازىر تۇرعىن ءۇي كەشەنىنىڭ قۇرىلىسى باستالسا, اكىمدىك ءوز تاراپىنان اۋماقتى مەكتەپتىڭ قۇرىلىسى ءۇشىن يگەرە باستايدى. ءبىز گاراجدار اۋماعىنىڭ مۇمكىندىگىنشە جىلدام يگەرىلۋىنە مۇددەلىمىز» دەدى دەپۋتات. گاراج يەلەرى بولسا جاعدايدىڭ سوزىلىپ كەتپەۋىنە, وتەماقى كولەمى بويىنشا كەلىسىمگە كەلەتىنىنە ءۇمىتتى.
