تۇرعىن ءۇيدى گازداندىرۋعا بايلانىستى دا ەلوردالىق كەيبىر تۇرعىندار بىرجولعى الەۋمەتتىك كومەك الا الادى. ونىڭ كولەمى – 90 اەك, ياعني 262 530 تەڭگەدەن اسپايتىن گاز قۇبىرىن ورناتۋ جانە جۇرگىزۋگە قاتىستى ءوتىنىش بەرۋشىنىڭ ناقتى شىعىندارىنىڭ نەگىزىندە انىقتالادى.
بۇل تولەم جان باسىنا شاققانداعى تابىسى 4 ەڭ تومەن كۇنكورىس دەڭگەيىنەن اسپايتىن جانە جەكە تۇرعىن ۇيدە تۇراتىن ادامدارعا باسقا ءۇيى بولماعان جاعدايدا, جاسى بويىنشا زەينەتكەرلەرگە, مۇگەدەكتەرگە, ونىڭ ىشىندە مۇگەدەك بالالارعا, كوپبالالى انالارعا جانە كوپبالالى وتباسىلارعا ۇسىنىلادى. ونى الۋ ءۇشىن ءوتىنىش بەرۋشى egov.kz ەلەكتروندىق پورتال ارقىلى وتىنىشپەن بىرنەشە قۇجات ۇسىنادى. تولىق كەڭەس الۋ ءۇشىن نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا, سارىارقا اۋدانى بويىنشا 55-14-87, 8-702-546-86-95, 8-701-621-62-99, الماتى اۋدانى بويىنشا 55-01-74, 8-701-734-83-74 تەلەفوندارىنا حابارلاسۋعا بولادى.
