استانالىق فارماتسەۆت ەرجان كۇشىكوۆ عاجاپ ءدارى ويلاپ تاپتى. ول ءدارى-دارمەكتى پايدالانعاندار ءبىرىنشى كەزدەسكەن ادامىنا عاشىق بولىپ قالادى ەكەن.
«قازىر مەن پاتەنتتىك قۇجاتتامالاردى ازىرلەۋدەمىن. ءدارىنىڭ قۇرامىندا ادام ميىنا اسەر ەتىپ, ونى عاشىقتىق سەزىمگە جەتەلەيتىن گورموندار بار. ءدارى-دارمەكتى قۇراۋشى زاتتار رەتىندە جۇرەك اۋرۋلارىن ەمدەۋگە ارنالعان دارىلەر قولدانىلدى. ادامنىڭ بويى بالقىپ, عاشىقتىق كۇيگە ءتۇسۋ ءۇشىن ءبىر عانا تابلەتكا جەتكىلىكتى» دەيدى فارماتسەۆت.
ەڭ الدىمەن, تاجىريبە تىشقاندارعا جۇرگىزىلگەن. ە.كۇشىكوۆتىڭ ايتۋىنشا, ءدارىنىڭ ءدامىن تاتقان كەمىرگىشتەر اراسىندا جاقىندىق پايدا بولىپ, ولاردى ءبىر-بىرىنەن ايىرسا, تاماقتان باس تارتىپ وتىرعان. فارماتسەۆتتىڭ ايتۋىنشا, ءدارى وزىڭە عاشىق ەتكىڭ كەلگەن اداممەن جاقىن قارىم-قاتىناستا بولعاندا عانا اسەر ەتەدى ەكەن.
