كەشە استانا قالاسى ءماسليحاتىنىڭ حاتشىسى جانات نۇرپەيىسوۆ باستاعان دەپۋتاتتار قحر حاينان ولكەسىنىڭ بۇكىلقىتايلىق حالىق وكىلدەرى جينالىسى تۇراقتى كوميتەتى دەلەگاتسياسىنىڭ وكىلدەرىمەن كەزدەستى.
كەزدەسۋدە استانا مەن حاينان اراسىنداعى دوستىق قارىم-قاتىناستىڭ ورناۋى, ەكونوميكا, تۋريزم جانە مادەنيەت سالالارىنداعى سەرىكتەستىكتىڭ دامۋى جانە تاجىريبە الماسۋ ماسەلەلەرى ءسوز بولدى.
حاينان ولكەسىنىڭ بۇكىلقىتايلىق حالىق وكىلدەرى جينالىسى تۇراقتى كوميتەتى توراعاسىنىڭ ورىنباسارى لين بەيچۋان جىلى كەزدەسۋ ءۇشىن العىسىن ءبىلدىرىپ, الداعى ۋاقىتتا ءوزارا ءتيىمدى ىنتىماقتاستىققا قول جەتكىزىلەتىنىنە ءۇمىت ارتاتىنىن ايتتى.
ەكى ەل وكىلدەرى ينۆەستيتسيالىق ءمۇمكىندىكتەر مەن بيزنەس كليمات جاعدايىمەن تانىسىپ, كەزدەسۋ سوڭىندا ەسكەرتكىش سىيلىقتارمەن الماستى.
