«شاتتىق» جاس دارىندار فەستيۆالى استانانىڭ 10-جىلدىق مەرەكەسىندە باستالىپ, مىنە, وسىمەن ون ءبىرىنشى رەت نۇر-سۇلتان قالاسىندا ءوتىپ جاتىر. جىلداعى ادەتىنشە, فەستيۆال ورتالىق قالا الاڭىندا 4-6 شىلدە كۇندەرى ۇيىمداستىرىلدى.
وسى كۇندەرى قازاقستاننىڭ بارلىق ايماقتارىنان جانە رەسەي, قىرعىزستان, وزبەكستان, تادجىكستان, ۋكراينا, بەلارۋس, ءازىربايجان, ارمەنيا, باشكورتستان, بولگاريا, تۇركيا, كۋبادان, اقش-تان كەلگەن جاس انشىلەر, بيشىلەر, حالىق ورىنداۋشىلارى, ءسان تەاترلارى ونەر جارىستىردى. فەستيۆالعا 5-18 جاس ارالىعىنداعى 350 بالا قاتىستى. فەستيۆال باعدارلاماسى مىنا جانرلار بويىنشا وتكىزىلدى: ۆوكال, حورەوگرافيا, فولكلور, اسپاپتىق, ءسان تەاترى, ەرەكشە جانر. «شاتتىق» فەستيۆالى ءبىزدىڭ باس قالامەن تىعىز بايلانىستى جانە بۇل جاس ۇرپاق ساناسىندا نۇر-سۇلتان قالاسىنىڭ ەۋرازياداعى ءىرى ونەر ورتالىعى رەتىندە تانىتۋعا سەپتىگىن ءتيىزىپ كەلەدى. وسى ۋاقىت ىشىندە فەستيۆال جاس تالانتتار قوزعالىسىنا اينالدى. ونەر مەرەكەسى بالالاردىڭ كوركەمونەرپازدىقپەن اينالىسۋىنا, حالىق ونەرىن دامىتۋعا, جاڭا دارىنداردى اشۋعا, ولاردىڭ ارى قاراي جەتىلۋگە, شىعارماسىن بالالارعا ارناپ جازاتىن كومپوزيتورلار مەن اقىنداردى قولداۋعا, جاڭا ادىستەمەلىك جانە تاجىريبەلىك اقپاراتپەن الماسۋعا ايرىقشا جول اشىلدى. بۇل فەستيۆال نەشە ءتۇرلى مادەنيەتتەردىڭ ءبىر-بىرىمەن ارالاسۋ پروتسەسىن جەتىلدىرىپ, قازاقستاننىڭ دۇنيەجۇزىلىك قوعامداستىققا ەنۋ پروتسەسىنە سەبىن تيگىزەدى جانە دۇنيەجۇزىلىك ارەنادا ءبىزدىڭ ەلىمىزدىڭ جاعىمدى ءيميدجىن جاساۋعا ءوز ۇلەسىن قوسۋدا. فەستيۆالدە ۇزدىكتەردىڭ ىشىندەگى وزىقتارى شىعىپ ونەر كورسەتۋدە.
ونەر سايىسىنا كەڭەس وداعىنىڭ حالىق ءارتىسى, سوتسياليستىك ەڭبەك ەرى, اكادەميك بيبىگۇل تولەگەنوۆانىڭ ء(تورايىمى), كومپوزيتور, قازاقستان رەسپۋبليكاسىنىڭ ەڭبەك سىڭىرگەن قايراتكەرى, كەڭەس دۇيسەكەەۆتىڭ, قازاقستاننىڭ ەڭبەك سىڭىرگەن ءارتىسى, پروفەسسور قاراكوز اقداۋلەتوۆانىڭ, ونەرتانۋشى, پروديۋسەر, مەتسەنات, قوعام قايراتكەرى, «ەۆروپا مولودايا» جانە «ەۆروپا مولودايا فولك-ستيل» حالىقارالىق فەستيۆال-كونكۋرستارىنىڭ ديرەكتورى, حالىقارالىق پروديۋسەرلەر اسسوتسياتسياسىنىڭ مۇشەسى, تاتيانا اپاناسەنكو (ۋكراينا), ەستەتيكا دوكتورى, «سپەكتور» قوعامدىق قورىنىڭ توراعاسى, بولگارياداعى شىعارماشىلىق جوبالاردىڭ پروديۋسەرى, «رەچنىە نوتى», «ساراندەۆ» كونكۋرستارىنىڭ ۇيىمداستىرۋ كوميتەتىنىڭ مۇشەسى, بولگار تەلەگراف اگەنتتىگىنىڭ ءجۋرناليستى (بتا), سلاۆيان بازارى فەستيۆالىنىڭ بولگاريا رەسمي وكىلى نيكولاي تەكەليەۆتىڭ, بولگارلىق رەجيسسەر, «روزا ۆوستوكا» حالىقارالىق بالالار مەن جاستار ونەر فەستيۆال-كونكۋرسىنىڭ ديرەكتورى, «زارافشان» مادەنيەت ورتالىعىنىڭ كوركەمدىك جەتەكشىسى ولگا يۆاننيكوۆانىڭ, ارميان رەسپۋبليكاسى مادەنيەت مينيسترلىگى قاراماعىنداعى ەرەۆان مەملەكەتتىك مادەنيەت جانە ساپا كوللەدجىنىڭ ديرەكتورى, «X-FACTOR» حالىقارالىق كونكۋرسىنىڭ قۇرمەتتى جۇلدەگەرى, ۆرەج كيراكوسياننىڭ, ءازىربايجان رەسپۋبليكاسىنىڭ ەڭبەك سىڭىرگەن مۇعالىمى, بالالار مەن جاستاردى دامىتۋ ورتالىعىنىڭ ديرەكتورى لالا گاتيدىڭ, قىرعىز رەسپۋبليكاسىنىڭ ەڭبەك سىڭىرگەن ءارتىسى, «KGتاي» بالالار جوباسىنىڭ اۆتورى جانە پروديۋسەرى, «Art Bulak» قوعامدىق قورىنىڭ ديرەكتورى گۇلنار تويعانباەۆانىڭ, لاتىن امەريكا قۇرلىعىنىڭ رەسمي وكىلى پەرەز زامورا لورەيديستىڭ, ت.ب. تانىمال تۇلعالاردىڭ قازىلىق ەتۋى فەستيۆالدىڭ دەڭگەيىنىڭ جوعارى ەكەنىن كورسەتەدى.
«شاتتىق» جاس دارىندار فەستيۆالى ءبىزدىڭ ەلىمىزدىڭ ونەر ومىرىندەگى ەسكەرىلەتىن كورىنىسىنە اينالدى, ءارى بۇل فەستيۆالعا قاتىسۋ, ابىرويلى, مارتەبەلى ءىس بولىپ سانالادى. «شاتتىق» لاۋرەاتى اتالۋ, قازاقستان جاس تالانتتارىنا ونەر الەمىنە جاساعالى جاتقان ساپارلارىنا لايىقتى ونەر باستاماسى بولا تۇرا, ولارعا ومىرلىك جولداما رەتىندە قىزمەتىن كورسەتەدى.
6 شىلدە كۇنى فەستيۆالگە قاتىسۋشىلاردىڭ شەرۋى ءوتىپ, سونان لاۋرەاتتار ماراپاتتالدى. فەستيۆالدىڭ شىمىلدىعى جابىلار تۇستا جەڭىمپازدار مەن جۇلدەگەرلەردەن قۇرالعان گالا-كونتسەرت بەرىلدى.
