جاڭالىقتار
كەشەن قۋاتى – 24 توننا
استانادا جىلىنا 24 مىڭ توننا ەت ونىمدەرىن وڭدەيتىن كەشەن سالىنادى. ءىرى اۋقىمداعى بۇل جوبا ازىق-تۇلىك بەلدەۋىن كۇشەيتە تۇسۋگە, سونداي-اق, ەلىمىزدىڭ مال شارۋاشىلىعى سالاسىنىڭ ەكسپورتتىق الەۋەتىن كەڭەيتۋگە مۇمكىندىك بەرەدى.
قازىر جاڭا كەشەننىڭ جەر ۋچاسكەسى تۇرىندەگى مەملەكەتتىك تابيعي گرانتىن ۇسىنۋعا قاتىستى العاشقى ينۆەستيتسيالىق كەلىسىمشارت بەكىتىلدى. جالپى, جوبا شەڭبەرىندە 80-نەن استام جۇمىس ورنىن قۇرۋ جوسپارلانعان. جوبانىڭ بولجامدىق قۇنى 3,6 ملرد تەڭگەنى قۇرايدى.
جوبا شەڭبەرىندە ءوندىرىستىڭ تولىق تسيكلىن ۇيىمداستىرۋ كوزدەلىپ وتىر. ونىڭ شەڭبەرىنە مالدى سويۋدان باستاپ دايىن ونىمگە دەيىنگى ۇدەرىس قامتىلعان. ءوندىرىستە ەۋروپانىڭ جەتەكشى وندىرىستەرىنىڭ جوعارى تەحنولوگيالىق زاماناۋي قۇرال-جابدىقتارى پايدالانىلادى.