استانادا بالالاردى قورعاۋ كۇنىنە وراي «باقىتتى بالا» اكتسياسى ءوتتى.
«قازترانسگاز» اق جانە قالالىق ءبىلىم باسقارماسىنىڭ قولداۋىمەن وتكەن شاراعا «دار» جانە «KZ» قوعامدىق قورىنىڭ وكىلدەرى قاتىستى. اكتسيا اياسىندا بالالارعا جالپى سوماسى 2 ملن تەڭگەگە ماتەريالدىق كومەك كورسەتىلدى. وندا «دار» قوعامدىق قورى تۇرمىسى تومەن جانە كوپ بالالى وتباسىدان شىققان 30 بالاعا, ال «KZ» قورى از قامتىلعان وتباسىدان شىققان 100 بالاعا الەۋمەتتىك كومەك كورسەتتى. بالالارعا قىزىقتى كىتاپتار مەن ويىنشىقتار, سپورتتىق كەرەك-جاراقتار سىيعا تارتىلدى.
«قازترانسگاز» اق گاز ونەركاسىبىن دامىتۋ دەپارتامەنتىنىڭ ديرەكتورى تيمۋر يماشەۆ بالالاردى مەرەكەمەن قۇتتىقتاپ, تىلەك ءبىلدىردى. «بالالاردى قۋانتىپ, باقىتقا بولەۋ – ءبىزدىڭ قايىرىمدىلىق قىزمەتىمىزدىڭ باستى ماقساتى. «قازترانسگاز» كومپانياسىنىڭ كورسەتكەن كومەگى بالالاردىڭ كوڭىلىنەن شىعادى دەگەن ويدامىز» دەدى ول.
