جىل باسىنان بەرى كوپبالالى وتباسىلار 164,6 ملرد تەڭگە جاردەماقى الدى. اتالعان مەملەكەتتىك جاردەماقى 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلارعا تابىسىنا قاراماستان بەرىلەدى.
شىلدە ايىندا جاردەماقىنىڭ بۇل ءتۇرى 449,2 مىڭ وتباسىعا بەرىلگەن, ونىڭ جالپى سوماسى 23,6 ملرد تەڭگەگە جەتتى. تولەم مولشەرى بالالاردىڭ سانىنا بايلانىستى تولەنەدى.
ەلىمىزدە كوپبالالى وتباسىلارعا ولاردىڭ كىرىستەرىن ەسەپكە الماي بەرىلەتىن جاڭا مەملەكەتتىك جاردەماقى وتكەن جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلدى.
