قالانىڭ تىلدەردى دامىتۋ جانە ارحيۆ ءىسى باسقارماسىنىڭ ۇيىمداستىرۋىمەن ەلوردانىڭ 20 جىلدىعىنا ارنالعان «استانا كوشە اتاۋلارى تاريحتان سىر شەرتەدى» اتتى تانىمدىق كەش ءوتتى.
استانادا كونە قالالاردىڭ, كەزىندە قازاقستاننىڭ استانالارى بولعان شاھارلاردىڭ, تاريحي تۇلعالاردىڭ, بەلگىلى ءبىر تاريحي وقيعالاردىڭ اتىمەن اتالاتىن كوشەلەر كوپ. اتالمىش باسقارمانىڭ ءبولىم باسشىسى گۇلجان باقتىباەۆا كوشەلەر تۋرالى وسىنداي شارا جىل سايىن وتەتىنىن ءمالىم ەتتى.
«شارا بارىسىندا استانادا قانداي كوشەلەر بار, ولاردىڭ اتاۋى نەمەن بايلانىستى, وسىنىڭ سىرىن تارقاتامىز. ول ءۇشىن كوشەلەر تۋرالى بەينەروليكتەر دايىندالعان. قالا تاريحىنا, كوشە اتاۋلارىنا قاتىستى ويىن ويناتامىز. ارنايى جۇلدە رەتىندە كينوعا بيلەتتەر بەرىلەدى» دەدى ول.
كەش بويى «DrumLine» بارابانشىلار توبى, ءانشى نينا مويسەەۆا, «DiViento» اسپاپتىق كۆينتەتى, «Ethnos» دۋەتى, تاعى باسقا ونەرپازدار جينالعانداردىڭ كوڭىلىن كوتەردى.
