بايقوڭىر اۋدانىندا ورناتىلعان ەسكەرتكىشتەر مەن ساۋلەت مۇسىندەرىن جۋىپ, تازارتۋ جۇمىستارى جۇرگىزىلدى. بۇدان بولەك, «جەر انا» ەسكەرتكىشى تۇعىرىنىڭ گرانيت پليتالارى مەن ءۇش ارىس ەسكەرتكىشى تۇسىنداعى جابىن پليتالار اۋىستىرىلدى.
ەسكە سالا كەتسەك, جۇمابەك تاشەنوۆ پەن الاش وردا قوزعالىسىنىڭ كوشباسشىلارىنا ارنالعان ەسكەرتكىش بيىل عانا اۋدان اۋماعىنا ورناتىلعان ەدى.
جالپى, بايقوڭىر اۋدانىندا 5 ەسكەرتكىش پەن 17 ساۋلەت مۇسىندەرى بوي كوتەرگەن. ماسەلەن, مادەني ەسكەرتكىشتەردىڭ قاتارىندا ا.باراەۆ پەن ج.تاشەنوۆ كوشەلەرى قيىلىسىندا ورنالاسقان «جەر انا» ەسكەرتكىشى, اتاتۇرك ساياباعىنداعى كەمال اتاتۇرككە ارنالعان ەسكەرتكىش, جامبىل جاباەۆ ساياباعىنداعى ابىز اقىن جامبىلعا ارنالعان ەسكەرتكىش, جازۋشىلار اللەياسىنداعى ءۇش ارىسقا ارنالعان مونۋمەنت جانە ۇوس مايدانىنا اتتانعان جاۋىنگەرلەردىڭ ەسكەرتكىشى بار.
امانگەلدى يمانوۆ, شوقان ءۋاليحانوۆ پەن جۇمابەك
تاشەنوۆكە ارنالعان ساۋلەت مۇسىندەرى قايراتكەرلەر اتىنداعى كوشەلەرگە كورىك بەرىپ تۇر. سونداي-اق ج.تاشەنوۆ كوشەسىندەگى «استانا» جانە جازۋشىلار اللەياسىنداعى «ابايدىڭ قارا سوزدەرى» ينستاللياتسيالارى دا اۋداننىڭ اجارىن اشا تۇسكەن.
