ەلوردا اكىمى كەشە تاڭەرتەڭگى ارالاۋ كەزىندە قالاداعى ەكى مەكتەپتە بولىپ, ولاردىڭ اۋماعىندا جاڭادان سالىنىپ جاتقان قوسالقى عيماراتتار قۇرىلىسىمەن تانىستى.
ءبىرىنشى نىسان – №31 مەكتەپتە (كەنەسارى كوشەسى, 49) قازىر ءۇش اۋىسىمدا وقىتۋ ءجۇرىپ جاتىر. سالىنىپ جاتقان جاڭا عيمارات مەكتەپتىڭ شامادان تىس جۇكتەمەسىن جەڭىلدەتۋگە جانە ەكى اۋىسىمدا وقىتۋعا كوشۋگە كومەكتەسەدى. قوسالقى عيمارات 530 وقۋشىعا ارنالعان. تاپسىرۋ مەرزىمى – كەلەر جىل. ەكىنشى نىسان – №28 مەكتەپتە (پەتروۆ كوشەسى, 8) 1800-دەن استام وقۋشى وقيدى. 300 ورىندىق جاڭا عيماراتتى وسى جىلدىڭ اياعىنا دەيىن تاپسىرۋ جوسپارلانىپ وتىر. كەشكىلىك ارالاۋ كەزىندە ەلوردا اكىمى №40, 8 جانە 60 مەكتەپتەرگە باردى. ولاردىڭ اۋماعىندا جاڭا ءبىلىم نىساندارى بولادى.
قالا اكىمى ا.كولگىنوۆ قۇرىلىس جۇمىسى مەرزىمىن ساقتاۋدى جانە اۋماقتى اباتتاندىرۋعا ەرەكشە كوڭىل ءبولۋ قاجەتتىگىن تاپسىردى.
قالا باسشىسى 2020 جىلى ەلوردادا كورۋ قابىلەتى بۇزىلعان بالالارعا ارنالعان مامانداندىرىلعان بالاباقشانىڭ قۇرىلىسىن دا ارالاپ كوردى.
تۇران داڭعىلى مەن ك.كۇمىسبەكوۆ كوشەلەرى قيىلىسىندا ورنالاساتىن ارنايى بالاباقشا 90 ورىنعا ارنالعان. اكىم ارنايى بالاباقشانىڭ جابدىقتالۋىنا ءمان بەرۋىن ايتتى. قازىر ەلوردادا كورۋ قابىلەتى بۇزىلعان بالالارعا ارنالعان 2 بالاباقشا جۇمىس ىستەيدى.
