26 اقپان كۇنى استانا قالاسى اكىمدىگىندە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتى باسشىسى – تارتىپتىك كەڭەس توراعاسى تىلەگەن قاسكيننىڭ قاتىسۋىمەن قازاقستان رەسپۋبليكاسى مەملەكەتتىك قىزمەت ىستەرى اگەنتتىگى توراعاسىنىڭ 2013 جىلعى 11 جەلتوقسانداعى №06-7/179 بۇيرىعىمەن مەملەكەتتىك قىزمەتكەرلەردى جانە مەملەكەتتىك اكىمشىلىك لاۋازىمدارعا ورنالاسۋعا كانديداتتاردى تەستىلەۋ ۇيىمداستىرۋعا, بوس اكىمشىلىك مەملەكەتتىك لاۋازىمعا ورنالاسۋعا كونكۋرس وتكىزۋ جانە كونكۋرس كوميسسياسىن قالىپتاستىرۋ قاعيدالارىنا ەنگىزىلگەن وزگەرىستەرگە بايلانىستى سەمينار-كەڭەس ءوتتى.
وعان استانا قالاسىنداعى مەملەكەتتىك ورگانداردىڭ پەرسونالدى باسقارۋ قىزمەتى, «مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعى» اق باسشىلىعى مەن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى, حالىققا قىزمەت كورسەتۋ ورتالىعى, Call-center بىرىڭعاي بايلانىس ورتالىعى, سونداي-اق «ۇلتتىق اقپاراتتىق تەحنولوگيالار» اق قىزمەتكەرلەرى قاتىستى.
دەپارتامەنتتىڭ مەملەكەتتىك قىزمەت پەرسونالىن باسقارۋ ءبولىمىنىڭ مەڭگەرۋشىسى گ.ءابدىراحمانوۆا, اتالعان ءبولىمنىڭ كونسۋلتانتى ك.جيەنباەۆا زاڭنامالارعا ەنگىزىلگەن وزگەرىستەرگە بايلانىستى بايانداما جاساپ, سەمينارعا قاتىسۋشىلاردىڭ ساۋالدارىنا جاۋاپ بەردى. ال «مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعى» اق پرەزيدەنتى ا. جۇمابەك ونلاين جۇيەدە ۇمىتكەردىڭ تەستىلەۋدەن ءوتۋى ءۇشىن ءوتىنىشتى قالاي بەرۋ كەرەكتىگى تۋرالى ءتۇسىندىرىپ ءوتتى. سونىمەن قاتار, سەمينار-كەڭەس بارىسىندا دەپارتامەنتتىڭ ينسپەكتسيا جانە باقىلاۋ ءبولىمىنىڭ مەڭگەرۋشىسى م.باتىرحانوۆ «مەملەكەتتىك كورسەتىلەتىن قىزمەتتەر تۋرالى» زاڭىنىڭ ورىندالۋى, مەملەكەتتىك قىزمەت كورسەتۋ ساپاسىن ارتتىرۋ مەن ونى قاداعالاۋ بارىسى جانە تارتىپتىك كەڭەستىڭ 2013 جىل قورىتىندىسى تۋرالى بايانداما جاساسا, دەپارتامەنت باسشىسىنىڭ ورىنباسارلارى ءا.باسكەەۆ پەن ب.اساينوۆ استانا قالاسىنداعى مەملەكەتتىك ورگانداردىڭ پەرسونالدى باسقارۋ قىزمەتى باسشىلارىنىڭ سۇراقتارىنا قوسىمشا تۇسىندىرمەلەر بەرىپ ءوتتى. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ كاسىبي قۇزىرەتتى زەرتتەۋ ورتالىعىنىڭ مەڭگەرۋشىسى, پروفەسسور ل.اسىلبەكوۆانىڭ مەملەكەتتىك قىزمەتتىڭ پەرسونالىن باسقارۋداعى الەۋمەتتىك-باسقارۋ تەحنولوگياسىنا بايلانىستى لەكتسياسى دا قاتىسۋشىلاردىڭ كوڭىلىنەن شىقتى.
بۇگىننەن, ياعني 1 ناۋرىزدان باستاپ ءوز كۇشىنە ەنەتىن وزگەرىستەر مەملەكەتتىك قىزمەتكە ورنالاسۋ ءۇشىن تەست تاپسىرۋ مەن كونكۋرسقا ءتۇسۋدى ەكى ەسە جەڭىلدەتە تۇسكەن. ەندى كەز-كەلگەن ازامات حالىققا قىزمەت كورسەتۋ ورتالىقتارىنا بارماي-اق, ەلەكتروندى ۇكىمەتتىڭ پورتالى ارقىلى ءوتىنىش تولتىرىپ, تەست تاپسىرۋ مەزگىلى مەن مەكەنىن وزدەرىنىڭ ىڭعايىنا قاراي تاڭداي الادى.
سالەمەتسيزدەرمە مەن سانيتارلىك ەپيدەميولوگيالىك كاداگالاۋ دەپارتامەنتينە بوس لاۋازىمدارگا كونكۋرسا تۋسيپ جۋمىسكا ورنالاسۋگا مۋمكينديك بارما؟