ورايلى وزگەرىستەر وڭ ناتيجەسىن بەرەدى

تىلەگەن قاسكين,

قر مەملەكەتتىك قىزمەت ىستەر اگەنتتىگىنىڭ استانا قالاسى بويىنشا دەپارتامەنت باسشىسى, تارتىپتىك كەڭەس توراعاسى

ناۋرىز ايىنان باستاپ مەملەكەتتىك قىزمەت سالاسىندا وزگەرىستەر ورىن الماق. بۇل جاڭالىقتىڭ ءبىر ەرەكشەلىگى – مەملەكەتتىك قىزمەتكە ورنالاسامىن دەگەن ءار ازامات بۇدان بىلاي حالىققا قىزمەت كورسەتۋ ورتالىقتارىنا بارىپ قۇجات تاپسىرادى. ال, تەستىلەۋدەن العان سەرتيفيكات ءبىر جىلعا دەيىن جارامدى. وسى جانە باسقا دا وزگەرىستەر توڭىرەگىندە قر مەملەكەتتىك قىزمەت ىستەر اگەنتتىگىنىڭ استانا قالاسى بويىنشا دەپارتامەنت باسشىسى –تارتىپتىك كەڭەس توراعاسى تىلەگەن قاسكينمەن اڭگىمەلەسكەن ەدىك.

– تىلەگەن تولەگەنۇلى, سالاداعى نەگىزگى وزگەرىستەر قالاي جۇزەگە اسىپ جاتىر؟

– وتكەن جىلى مەملەكەتتىك قىزمەت سالاسىنداعى جۇمىس بارىسىن جەتىلدىرۋ ءىسى دامي ءتۇستى. اتاپ ايتقاندا, استانا قالاسى بويىنشا مەملەكەتتىك ورگانداردا مەملەكەتتىك قىزمەت سالاسىنداعى زاڭدارعا ەنگىزىلگەن وزگەرىستەر مەن تولىقتىرۋلاردان سوڭ كونكۋرس وتكىزۋ راسىمدەرى ارتقاندىعى بايقالادى. 2013 جىلدىڭ ەكى توقسانىندا 208 مەملەكەتتىك بوس اكىمشىلىك لاۋازىمعا 56 كونكۋرس جاريالانىپ, ولاردىڭ قورىتىندىسى بويىنشا 155 ۇمىتكەر العا شىقتى. ايتا كەتۋ كەرەك, ونىڭ 58 پايىزى مەملەكەتتىك قىزمەتشىلەر ەمەس.

العاش رەت استانا قالاسىنىڭ مەملەكەتتىك ورگاندارى جاريالاعان بارلىق بوس اكىمشىلىك لاۋازىمدارعا كونكۋرس حابارلاندىرۋلارىندا باقىلاۋشىلار مەن ساراپشىلاردىڭ قاتىسا الاتىنى تۋرالى كورسەتىلدى. مەملەكەتتىك ورگانداردىڭ باسشىلارى كونكۋرس وتكىزۋ راسىمدەرىنىڭ ەكى ەسە قىسقارتىلۋى ءتيىمدى ەكەنىن ايتۋدا. تەستىلەۋ مەن كونكۋرس وتكىزۋ ءراسىمىنىڭ بولەك وتكىزىلۋى استانا قالاسىنىڭ مەملەكەتتىك ورگاندارىندا كونكۋرستاردىڭ جيىلىگىنە وڭ اسەرىن تيگىزدى. سونىمەن قاتار, كادر رەزەرۆى دە ىسكە قوسىلدى. كونكۋرس راسىمدەرىنىڭ قورىتىندىسى بويىنشا 80 ۇمىتكەر «ب» كورپۋسى اكىمشىلىك مەملەكەتتىك قىزمەتشىلەر كادر رەزەرۆىنە تۇردى. ونىڭ تەڭ جارتىسى مەملەكەتتىك ورگاندار ۇسىنعان  جۇمىسقا ورنالاستى.

ەگەر 2012 جىلى بوس اكىمشىلىك مەملەكەتتىك لاۋازىمدارعا اۋىسۋ مەن تاعايىنداۋ, ياعني, «كوماندالىق اۋىستىرۋ» ارقىلى اۋىسۋ ورىن العان بولسا, ول كورسەتكىش 2013 جىلى 72%-عا تومەندەدى.

وتكەن جىلى مەملەكەتتىك قىزمەت, سىبايلاس جەمقورلىقپەن كۇرەسۋ جانە مەملەكەتتىك قىزمەتشىلەردىڭ ەتيكاسىن ساقتاۋ تۋرالى زاڭدارعا ەنگىزىلگەن سوڭعى وزگەرىستەر مەن تولىقتىرۋلاردى ءتۇسىندىرۋ ماقساتىندا استانا قالاسى مەملەكەتتىك ورگاندارىنىڭ مەملەكەتتىك قىزمەتشىلەرى اراسىندا ايىنا ەكى رەت, ونىڭ ىشىندە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىمەن بىرلەسىپ تۇسىندىرمە سەمينارلار جۇرگىزىلدى.

بەس باسشى جۇمىستان قۋىلدى

– تالاي باسشىنى تۇزەيتىن تارتىپتىك كەڭەس وتىرىستارىندا ايتىلعان ۇسىنىستار مەن قابىلدانعان شەشىمدەر ناتيجەسىن بەردى مە؟

– تارتىپتىك كەڭەس جۇمىستارىنىڭ تالداۋى كورسەتكەندەي, استانا قالاسىنىڭ مەملەكەتتىك ورگاندارىندا جوسپارلى تەكسەرۋ وتىز پايىزعا تومەندەدى. بىراق جەكە جانە زاڭدى تۇلعالاردىڭ وتىنىشتەرى بويىنشا تەكسەرۋلەر ەكى ەسەگە ۇلعايدى. تەكسەرۋ بارىسىندا 27 كەمشىلىك ورىن العان, بۇل كورسەتكىش 2012 جىلمەن سالىستىرعاندا ەكى ەسە جوعارى, سونىمەن قوسا, ازاماتتاردىڭ ارىزدارى بويىنشا تەكسەرۋ ساپاسىنىڭ جاقسارعاندىعىن اتاپ ءوتۋ كەرەك.

2013 جىلى تارتىپتىك كەڭەستىڭ التى وتىرىسى ءوتىپتى. دەپارتامەنت تارتىپتىك كەڭەس ۇسىنىسى بويىنشا 28 تارتىپتىك جازا قولدانىلعان, ونىڭ ىشىندە بەس لاۋازىمدى باسشى سىبايلاس جەمقورلىق قۇقىق بۇزۋشىلىقتاردى جاساعانى ءۇشىن اتقاراتىن لاۋازىمىنان بوساتىلدى, ەكى لاۋازىمدى تۇلعاعا  قىزمەتىنە تولىققاندى سايكەس ەمەستىگى تۋرالى ەسكەرتۋ, سەگىزىنە قاتاڭ سوگىس, ەكى ازاماتقا سوگىس تۇرىندە تارتىپتىك شارا قولدانىلدى.

2013 جىلى دەپارتامەنت تارتىپتىك كەڭەسىنىڭ ۇسىنىستارى تولىعىمەن ورىندالدى دەۋگە بولادى.

– جەكە ازاماتتاردىڭ وتىنىشىنە  قانشالىقتى قۇلاق استىڭىزدار؟

– ازاماتتاردى جەكە قابىلداۋ جۇمىستارى قارقىندى تۇردە جۇرگىزىلدى. العاش رەت «نۇر وتان» پارتياسىنىڭ استانا قالالىق فيليالىنىڭ قوعامدىق قابىلداۋىندا جەكە قابىلداۋلار وتكىزدىم. مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتى جانىنداعى جەكە تۇلعالارمەن, كوممەرتسيالىق ەمەس ۇيىمدارمەن مەملەكەتتىك قىزمەتتەر كورسەتۋ ماسەلەلەرى بويىنشا ءوزارا ءىس-قيمىل جانە ىنتىماقتاستىق جونىندەگى قوعامدىق كەڭەسىنىڭ وتىرىسى جانە سەمينارلارى ءوتتى. تارتىپتىك كەڭەستىڭ جاسالىنىپ جاتقان بارلىق جۇمىستارى بۇقارالىق اقپارات قۇرالدارىندا جاريالاندى.

ءبىر عانا قۇجات تالاپ ەتىلەدى

– سالاداعى وزگەرىستەر جايىنا قايتا ويىسساق. تەست تاپسىرۋ سۇراعىنا قاتىستى قانداي جاڭالىقتار بار؟ 

– پرەزيدەنت جارلىعىمەن بەكىتىلگەن «قازاقستان رەسپۋبليكاسىنداعى مەملەكەتتىك قىزمەتتىڭ جاڭا مودەلىنىڭ تۇجىرىمداماسىندا» كوزدەلگەندەي مەملەكەتتىك مەكەمەلەردە مەريتوكراتيا قاعيداسىن دامىتۋ, ازاماتتاردىڭ مەملەكەتتىك قىزمەتكە تەڭ قول جەتكىزۋدەگى كونستيتۋتسيالىق قۇقىعىن جۇزەگە اسىرۋ ماقساتىندا مەملەكەتتىك قىزمەت ىستەرى اگەنتتىگى توراعاسىنىڭ بۇيرىعىمەن بوس مەملەكەتتىك اكىمشىلىك لاۋازىمدارعا ۇمىتكەرلەردى تەستىلەۋ ەرەجەسىنە وزگەرىستەر مەن تولىقتىرۋلار ەنگىزىلدى. اتالعان بۇيرىق 2014 جىلدىڭ 1 ناۋرىزىنان باستاپ كۇشىنە ەنەدى. ەرەجەگە ەنگىزىلگەن وزگەرىستەر «ب» كورپۋسىنا قاتىستى دەپ ايتساق بولادى.

مەملەكەتتىك قىزمەت سالاسىنداعى ەنگىزىلگەن وزگەرىستەر مەن تولىقتىرۋلارعا سايكەس, قازىرگى تاڭدا ۇمىتكەرلەردىڭ تەستىلەۋ ءراسىمى بوس اكىمشىلىك لاۋازىمدارعا جاريالانعان كونكۋرستاردان بولەك وتكىزىلەدى.

بىرىنشىدەن, ەرەجەگە وزگەرىستەر ەنگىزىلگەنگە دەيىن ۇمىتكەرلەر تەك ۋاكىلەتتى ورگان نەمەسە ونىڭ اۋماقتىق بولىمشەلەرىنە ءوتىنىش, بiلiمi تۋرالى قۇجاتتاردىڭ, ەڭبەك ءوتىلىن راستايتىن قۇجاتتىڭ, جەكە باسىن كۋالاندىراتىن قۇجاتتىڭ كوشىرمەلەرىن تاپسىرسا, ناۋرىزدان باستاپ, تەستىلەۋگە قاتىسۋ ءۇشىن «ب» كورپۋسىنا ۇمىتكەرلەر «ەلەكتروندىق ۇكىمەت» ۆەب-پورتالى ارقىلى, ونىڭ ىشىندە حالىققا قىزمەت كورسەتۋ ورتالىقتارىنا, سونداي-اق ۋاكىلەتتى ورگانعا نەمەسە ونىڭ اۋماقتىق بولىمشەسىنە جۇگىنۋ جولىمەن  بەلگىلەنگەن نىسانداعى ءوتىنىشتى تاپسىرادى جانە ۇمىتكەردەن تەك ءبىر عانا قۇجات, ياعني جەكە باسىن كۋالاندىراتىن قۇجات تالاپ ەتىلەدى.

ەكىنشىدەن, ەرەجەگە وزگەرىستەر ەنگىزىلگەنگە دەيىن ۇمىتكەرلەردەن قۇجاتتار ۋاكىلەتتى ورگاننىڭ نەمەسە ونىڭ اۋماقتىق بولىمشەلەرىمەن قولما-قول نەمەسە پوشتا ارقىلى قابىلدانىپ, ولاردىڭ ەڭبەك ءوتىلى بويىنشا بىلىكتىلىك تالاپتارىنا سايكەستىلىگى قاراستىرىلاتىن, ال جاڭا وزگەرىسكە ساي ەندى ۇمىتكەر تەستىلەۋدىڭ كۇنىن جانە ۋاقىتىن تەستىلەۋ وتكىزۋگە بار بوس ورىندار نەگىزىندە تاڭدايدى. ونى ۇمىتكەردەن تەستىلەۋگە قاتىسۋ ءۇشىن قۇجاتتاردىڭ قابىلدانعانى «ەلەكتروندىق ۇكىمەت» ۆەب-پورتالىندا قالىپتاستىرىلاتىن بەلگىلەنگەن نىساندا تەستىلەۋ كۇنى, ۋاقىتى جانە ءوتۋ ورنى كورسەتىلگەن قولحاتپەن راستالادى. الداعى ۋاقىتتا ۇمىتكەرلەردىڭ ەڭبەك ءوتىلىن ساناۋ, قۇجاتتارىنىڭ بىلىكتىلىك تالاپتارىنا سايكەستىلىگىن تەكسەرۋ بوس مەملەكەتتىك اكىمشىلىك لاۋازىمدارعا كونكۋرس جاريالاعان مەملەكەتتىك ورگانداردىڭ جاۋاپكەرشىلىگىندە بولادى.

ۇشىنشىدەن, ەرەجەگە وزگەرىستەر ەنگىزىلگەنگە دەيىن تەستىلەۋ ەكى باعدارلامادان قۇرالعان بولسا, ياعني باسشىلىق لاۋازىمدار ءۇشىن جانە اتقارۋشى لاۋازىمدار ءۇشىن, ال 2014 جىلدىڭ 1 ناۋرىزىنان باستاپ  تەستىلەۋ ءۇش باعدارلامانى قامتيتىن بولادى.

ءۇش باعدارلاما بويىنشا وتكىزىلەدى

– ءار باعدارلامانىڭ ءوزىندىك تالاپتارى بولاتىنى ءسوزسىز. ساناتتار بويىنشا قانداي زاڭداردى ءبىلۋ مىندەتتەلدى؟ سۇراق كولەمى مەن تەست تاپسىرۋ ۋاقىتى وزگەردى مە؟

– ءبipiنشى باعدارلاما ا-1, ا-2, ا-3, ا-4, ۆ-1, ۆ-2, ۆ-3, ۆ-4, س-1, س-2, س-3,     س-و-1, س-و-2, س-و-3, C-R-l, D-l, D-2, D-3, D-O-l, D-O-2, D-0-3, ە-1,ە-2 ساناتتارىنا ارنالعان جانە مەملەكەتتىك ءتىلدى بىلۋگە تەست (20 تاپسىرما); لوگيكالىق تەست (10 تاپسىرما); قازاقستان رەسپۋبليكاسىنىڭ زاڭناماسىن بىلۋگە ارنالعان تەستكە قازاقستان رەسپۋبليكاسىنىڭ كونس­تيتۋتسياسى (15 سۇراق), «قازاقستان رەسپۋبليكاسىنىڭ پرەزيدەنتى تۋرالى» (15 سۇراق), «قازاقستان رەسپۋبليكاسىنىڭ ۇكىمەتى تۋرالى» (15 سۇراق) قازاقستان رەسپۋبليكاسىنىڭ كونستيتۋتسيالىق زاڭدارىن, «مەملەكەتتىك قىزمەت تۋرالى» (15 سۇراق), «سىبايلاس جەمقورلىققا قارسى كۇرەس تۋرالى» (15 سۇراق), «اكىمشىلىك راسىمدەر تۋرالى» (15 سۇراق), «نورماتيۆتىك قۇقىقتىق اكتىلەر تۋرالى» (15 سۇراق), «جەكە جانە زاڭدى تۇلعالاردىڭ وتiنiشتەرiن قاراۋ ءتارتiبi تۋرالى» (15 سۇراق), «مەملەكەتتىك كورسەتىلەتىن قىزمەتتەر تۋرالى» (15 سۇراق) قازاقستان رەسپۋبليكاسىنىڭ زاڭدارىن بiلۋگە ارنالعان تەست سۇراقتارى كiرەدi. ءاربىر نورماتيۆتىك قۇقىقتىق اكتىلەر بويىنشا تەستىلەۋ ناتيجەلەرىنىڭ شەكتى ءمانى مۇمكىن بولعان 15 جاۋاپتان كەم دەگەندە 10 دۇرىس جاۋاپتى قۇرايدى. جالپى تەست تاپسىرۋعا 110 مينۋت بەرىلەدى.

ەكىنشى باعدارلاما ۆ-5, س-4, س-5, س-و-4, س-و-5, س-و-6, C-R-2, C-R-3, C-R-4, D-4, D-5, D-O-4, D-O-5, D-O-6, ە-3, E-R-1, E-R-2, E-R-3, E-G-l, E-G-2  ساناتتارىنا ارنالعان جانە مەملەكەتتىك ءتىلدى بىلۋگە تەست (20 تاپسىرما); لوگيكالىق تەست (10 تاپسىرما); قازاقستان رەسپۋبليكاسىنىڭ زاڭناماسىن بىلۋگە ارنالعان تەستكە قازاقستان رەسپۋبليكاسىنىڭ كونستيتۋتسياسىن (15 سۇراق), «قازاقستان رەسپۋبليكاسىنىڭ پرەزيدەنتى تۋرالى» (15 سۇراق) قازاقستان رەسپۋبليكاسىنىڭ كونستيتۋتسيالىق زاڭى, «مەملەكەتتىك قىزمەت تۋرالى» (15 سۇراق), «سىبايلاس جەمقورلىققا قارسى كۇرەس تۋرالى» (15 سۇراق), «اكىمشىلىك راسىمدەر تۋرالى» (15 سۇراق), «جەكە جانە زاڭدى تۇلعالاردىڭ وتiنiشتەرiن قاراۋ ءتارتiبi تۋرالى» (15 سۇراق), «مەملەكەتتىك كورسەتىلەتىن قىزمەتتەر تۋرالى» (15 سۇراق), «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» (15 سۇراق) قازاقستان رەسپۋبليكاسىنىڭ زاڭدارىن بiلۋگە ارنالعان تەست سۇراقتارى كiرەدi. ءاربىر نورماتيۆتىك قۇقىقتىق اكتىلەر بويىنشا تەستىلەۋ ناتيجەلەرىنىڭ  شەكتى ءمانى مۇمكىن بولعان 15 جاۋاپتان كەم دەگەندە 8 دۇرىس جاۋاپتى قۇرايدى. جالپى تەست تاپسىرۋعا 110 مينۋت بەرىلەدى.

ءۇشىنشى باعدارلاما C-R-5, ە-4, ە-5, E-R-4, E-R-5, E-G-3, E-G-4 ساناتتارىنا ارنالعان مەملەكەتتىك ءتىلدى بىلۋگە تەست (20 تاپسىرما); لوگيكالىق تەست (10 تاپسىرما); قازاقستان رەسپۋبليكاسىنىڭ زاڭناماسىن بىلۋگە ارنالعان تەستكە قازاقستان رەسپۋبليكاسىنىڭ كونستيتۋتسياسىن (15 سۇراق), «مەملەكەتتىك قىزمەت تۋرالى» (15 سۇراق), «سىبايلاس جەمقورلىققا قارسى كۇرەس تۋرالى» (15 سۇراق), «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» (15 سۇراق), «جەكە جانە زاڭدى تۇلعالاردىڭ وتiنiشتەرiن قاراۋ ءتارتiبi تۋرالى» (15 سۇراق), «مەملەكەتتىك كورسەتىلەتىن قىزمەتتەر تۋرالى» (15 سۇراق) قازاقستان رەسپۋبليكاسىنىڭ زاڭدارىن بiلۋگە ارنالعان تەست سۇراقتارى كiرەدi. ءاربىر نورماتيۆتىك قۇقىقتىق اكتىلەر بويىنشا تەستىلەۋ ناتيجەلەرىنىڭ  شەكتى ءمانى مۇمكىن بولعان 15 جاۋاپتان كەم دەگەندە 8 دۇرىس جاۋاپتى قۇرايدى. جالپى تەست تاپسىرۋعا 100 مينۋت بەرىلەدى.

وسى رەتتە ايتا كەتەتىن اسا ماڭىزدى ءجايت, جەرگىلىكتى بيۋجەتتەن قارجىلاندىرىلاتىن اۋداندىق اتقارۋشى ورگانداردىڭ باسشىلارىنا, اۋداندىق ماڭىزى بار قالالاردىڭ, سەلولاردىڭ, كەنتتەردىڭ, سەلولىق وكرۋگتەردىڭ اكىمدەرى مەملەكەتتىك لاۋازىمدارى ءۇشىن قازاقستان رەسپۋبليكاسى زاڭدارىن بىلۋگە ارنالعان تەستىلەۋ سانى ازايعان. ءاربىر نورماتيۆتىك قۇقىقتىق اكتىلەر بويىنشا تەستىلەۋ ناتيجەلەرىنىڭ  شەكتى ءمانى مۇمكىن بولعان 15 جاۋاپتان كەم دەگەندە 8 دۇرىس جاۋاپتى قۇرايدى.

– ۇمىتكەرلەرگە سەرتيفيكات قالاي بەرىلەدى؟

– شەكتى ماننەن تومەن ەمەس تەستىلەۋ ناتيجەسىن العان ۇمىتكەرگە بەلگىلەنگەن نىسانداعى تەستىلەۋ وتكەندىگى تۋرالى سەرتيفيكات بەرىلەدى. ءبىرىنشى تەستىلەۋ باعدارلاماسى بويىنشا بەرىلگەن سەرتيفيكات ەكىنشى جانە ءۇشىنشى تەستىلەۋ باعدارلامالارىنا جاتاتىن «ب» كورپۋسى مەملەكەتتىك اكىمشىلىك قىزمەتىنىڭ ساناتتارىنا جارامدى. ەكىنشى تەستىلەۋ باعدارلاماسى بويىنشا بەرىلگەن سەرتيفيكات ءۇشىنشى تەستىلەۋ باعدارلاماسىنا جاتاتىن «ب» كورپۋسى مەملەكەتتىك اىمشىلىك قىزمەتىنىڭ ساناتتارىنا جارامدى, ءبىر ايتا كەتەرلىك جاي, سەرتيفيكاتتا ناقتى  جارامدى ساناتتاردىڭ تىزبەسى جازىلادى.

شەكتى ماننەن تومەن تەستىلەۋ ناتيجەسىن العان «ب» كورپۋسىنا ۇمىتكەرگە شەكتى ماننەن تومەن ناتيجەلەرمەن تەستىلەۋ وتكەندىگى تۋرالى انىقتاما بەرىلەدى.

قاعيداعا وزگەرىستەر ەنگىزىلگەنگە دەيىن, تەستىلەۋ اياقتالعاننان كەيىن تەستىلەۋدەن وتكەن ادامدارعا ۋاكىلەتتى ورگان نەمەسە ونىڭ اۋماقتىق بولىمشەلەرىنىڭ لاۋازىمدى تۇلعاسىنىڭ جانە تەستىلەۋ اكىمشىسىنىڭ قولى قويىلعان جانە ءمور باسىلعان تەستىلەۋ ناتيجەلەرى بەرىلەتىن, وعان بەلگىلى ءبىر ۋاقىت كەرەك بولاتىن. ال, ەرەجەگە ەنگىزىلگەن وزگەرىستەر مەن تولىقتىرۋلاردان سوڭ ازاماتتارعا شۇعىل تۇردە قىزمەت كورسەتۋ ماقساتىندا اتالعان سەرتيفيكاتتار تەستىلەۋ اياقتالعاننان كەيىن وتىز مينۋتتان كەش ەمەس ۋاقىتتا تەستىلەۋ اكىمشىسىنىڭ جانە وپەراتوردىڭ قولى قويىلعان جانە مورمەن راستالعان تەستىلەۋ ناتيجەلەرى بەرىلەتىن بولادى.

– مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆ تەست تاپسىرۋ كەزىندە ازاماتتارعا تالاپ كۇشەيەتىنىن ايتىپ ەدى. ناقتى قانداي جاعدايلارعا شەكتەۋ قويىلدى؟

– تەست تاپسىرعالى وتىرعان ادامنىڭ باسقالارمەن سويلەسۋگە, ماتەريالدار الماسۋعا, قاعاز نەمەسە ەلەكتروندىق تۇردەگى اقپاراتتاردى قولدانۋعا, ورىنجايدى تاستاپ كەتۋگە تىيىم سالىنادى. ونىڭ ەلەكتروندىق قۇرىلعىلارى تەستىلەۋدى وتكىزۋ ۋاقىتىندا وشىرىلەدى. ەگەر اتالعان تالاپتاردى بۇزعان جاعدايدا تەستىلەۋ اكىمشىسى پروتسەستى توقتاتىپ, ازاماتتى شىعارىپ جىبەرەدى.

بۇل رەتتە اكىمشى بەلگىلەنگەن نىسانعا سايكەس, تەستىلەۋ ەرەجەلەرىن بۇزۋ تۋرالى اكتىنى تولتىرادى. ەرەجەنى بۇزعان ادامنىڭ تەستىلەۋ ناتيجەسى جويىلادى.

اكت تولتىرىلعان ادامدار قايتا تەستىلەۋدى اكت تولتىرىلعان كۇننەن باستاپ التى ايدان كەم ەمەس مەرزىمنەن كەيىن وتەدى.

– اڭگىمەڭىزگە راحمەت!

گۇلميرا ايماعانبەت