پرەزيدەنتتىڭ جارلىعىمەن قازاقستان رەسپۋبليكاسىنىڭ جانە ونىڭ استاناسىنىڭ قالىپتاسۋى مەن دامۋىنا ەلەۋلى ۇلەس قوسقان ازاماتتاردى كوتەرمەلەۋ ماقساتىندا, سونداي-اق استانا قالاسىنىڭ 20 جىلدىعى قۇرمەتىنە «استاناعا – 20 جىل» مەرەكەلىك مەدالىمەن ەلوردا قوعامدىق كەڭەسى مۇشەلەرى ماراپاتتالدى. ونى «ارداگەرلەر ۇيىمى» رەسپۋبليكالىق قوعامدىق بىرلەستىگى استانا قالالىق فيليالىنىڭ توراعاسى سانسىزباي ەسىلوۆ تابىس ەتتى.
ەلوردانىڭ قالىپتاسۋىندا وزىندىك قولتاڭباسى قالعان بىرقاتار ازاماتتار اتاۋلى ماراپاتقا يە بولدى. ولاردىڭ قاتارىندا تولەگەن قۋانىشەۆ, سارسەنباي مىڭباەۆ, تولەۋعازى نۇركەنوۆ, مەيرامباي ورالوۆ سىندى ارداگەرلەر بار. وسىنداي ماراپاتقا مۇگەدەك بالالاردى قولداۋدا, وسى جولدا استانالىقتاردىڭ ىزگى نيەتى مەن بەلسەندىلىگىن ارتتىرۋعا ۇلەس قوسىپ جۇرگەن ابزال جان قامقا جاسانوۆا دا يە بولدى.
