مەملەكەت باسشىسىنىڭ جارلىعىمەن 150 مەديتسينا قىزمەتكەرى كونستيتۋتسيانىڭ 25 جىلدىق مەرەكەلىك مەدالىمەن ماراپاتتالدى.
مەرەكەلىك سالتاناتتى جيىندا دەنساۋلىق ساقتاۋ ءمينيسترى الەكسەي تسوي ەڭبەگى باعالانعان مەديتسينا قىزمەتكەرلەرىن ناگرادالارىمەن قۇتتىقتاپ, ەلىمىزدىڭ كونستيتۋتسيالىق دامۋىنىڭ بىرەگەي تۇجىرىمداماسىن قالىپتاستىرۋدا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ەڭبەگى زور ەكەندىگىن اتىپ ءوتتى. ەلىمىزدىڭ باستى زاڭى ەلباسىنىڭ ينستيتۋتسيونالدىق رەفورمالارى مەن ساياسي باستامالارىن قامتيتىنىن ەسكە سالدى. «كونستيتۋتسيامىزدا ادام, ونىڭ ءومىرى, قۇقىعى مەن بوستاندىقتارى سىندى ەڭ جوعارى قۇندىلىقتار بەكىتىلگەن جانە ازاماتتاردىڭ مۇددەسىنە قىزمەت ەتەدى.
ەلىمىزدىڭ نەگىزگى زاڭى حالىقتىڭ دەنساۋلىق ساقتاۋ سىندى باستى قۇقىعىن قورعايدى. باستى قۇقىقتىق قۇجاتتىڭ 29-بابىندا ازاماتتاردىڭ تەگىن كەپىلدەندىرىلگەن مەديتسينالىق كومەك الۋ قۇقىعى بەكىتىلگەن» دەپ اتاپ ءوتتى مينيستر.
