ناق-ناق
«استانا سامالى»
قالا كۇنى قارساڭىندا «استانا سامالى» اتتى ۇرمەلى اسپاپتار وركەسترلەرىنىڭ حالىقارالىق فەستيۆالى وتەدى. وندا ەلوردا تۇرعىندارى مەن قوناقتارى دابىل مەن ترۋبانىڭ مىقتى ءارى اۋەزدى دىبىسىمەن ارلەنگەن بىرەگەي دۋماننىڭ كۋاسى بولادى.
«وپەراليا-2013»
ەلوردانىڭ 15 جىلدىق مەرەيتويىنا وراي «قازاقستان» ورتالىق كونتسەرت زالىندا ءVIIى «وپەراليا-2013» حالىقارالىق فەستيۆالى اياسىندا وپەرا ونەرى شەبەرلەرىنىڭ قاتىسۋىمەن «الەمدىك وپەرا جۇلدىزدارى» اتتى گالا-كونتسەرت بولادى.
ۆان گوگتىڭ كورمەسى
استانالىقتار ۇلى سۋرەتشى ۆينسەنت ۆان گوگتىڭ شىعارماشىلىعىمەن تانىسۋ مۇمكىندىگىنە يە بولماق. 10 ماۋسىم كۇنى نازارباەۆ ورتالىعىندا الەمگە ايگىلى گوللاندتىق سۋرەتشى-پوستيمپرەسسيونيست كارتينالارىنىڭ كوشىرمەلەرى قويىلعان كورمە اشىلادى.
«ءبىرجان مەن سارا»
ماۋسىم ايىنىڭ اياعىندا 1250 ورىنعا ەسەپتەلىپ سالىنعان «استانا وپەرا» مەملەكەتتىك وپەرا جانە بالەت تەاترىنىڭ كەرمەسى قيىلماق. جاڭا ونەر ورداسىنىڭ شىمىلدىعى قازاق وپەرا ونەرىنىڭ جاۋھارى – كومپوزيتور مۇقان تولەباەۆتىڭ «ءبىرجان مەن سارا» وپەراسىمەن تۇرىلمەك.
«ارمىسىڭ, مارتەبەلى ءتىل!»
استانانىڭ 15 جىلدىق مەرەيتويىنا وراي ەلوردالىق تىلدەردى دامىتۋ باسقارماسىنىڭ ۇيىتقى بولۋىمەن كەشە كەشكىسىن «جاستار» سارايىندا «ارمىسىڭ, مارتەبەلى ءتىل!» اتتى ينتەراكتيۆتى شوۋ ءوتتى. شاراعا دوسىمجان تاڭاتاروۆ, يبراگيم ەسكەندىر, ايگۇل ەلشىباەۆا, مەدەت شايكەلوۆ سىندى قازاق ەستراداسىنىڭ جۇلدىزدارى قاتىستى.
كەشە…
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ساع. 18.30-دا ع.مۇسىرەپوۆ پەن ە.برۋسيلوۆسكيدىڭ «قىز جىبەك» مۋزىكالىق دراماسىنىڭ پرەمەراسى ءوتتى.
بۇگىن…
«بايتەرەك» مونۋمەنتى جانىنداعى الاڭدا ۆەلوسيپەدشىلەردىڭ جارىسى باستالادى. ولاردىڭ قاتارىندا «Giro d’Italia» تريۋمفاتورلارى – «استانا» ۆەلوكومانداسىنىڭ باس مەنەدجەرى الەكساندر ۆينوكۋروۆ پەن كاپيتان ۆينچەنتسو نيبالي بار.
ەرتەڭ…
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ساع. 18.30-دا ا.ۆالەحونىڭ «كۇن ساۋلەسى تۇسپەگەن» پسيحولوگيالىق دراماسى ساحنالانادى.
سانسويلەم
«استانا تاڭداۋى» بايقاۋى قالا تۇرعىندارى اراسىنان 7 ماماندىقتىڭ ۇزدىكتەرىن ىزدەۋدى جالعاستىرۋدا. بۇگىندە بايقاۋدىڭ «ۇزدىگى» اتانۋعا لايىقتىمىن دەگەن 160 ادامنان ءوتىنىش ءتۇستى.
ەركەجان ساتىمبەك