داۋىس بەرۋ جالعاسۋدا
«ەحرو-2017» كورمەسىنىڭ جاڭا لوگوتيپى ءۇشىن داۋىس بەرۋ 2013 جىلدىڭ 22 شىلدەسىنە دەيىن جالعاسادى. بۇگىنگە دەيىنگى داۋىس بەرۋشىلەر سانى بويىنشا «جاسىل ەنەرگيا» لوگوتيپى كوش باستاپ تۇر.
الەمدىك فيزيكا استاناسى
ەسىل بويىنداعى ەلوردامىز كەلەسى جىلى «الەمدىك فيزيكا استاناسى» اتانباق. قازاقستان قۇراما كومانداسىنا فيزيكانىڭ «IPhO كىتابى» تاپسىرىلدى. ەندى فيزيكادان حالىقارالىق 45 وليمپيادانى ءبىزدىڭ ەل ۇيىمداستىرادى.
«ءتۇرلى-ءتۇرلى تەڭدەستەر»
ەلوردادا مۇمكىندىگى شەكتەۋلى ادامدار اراسىندا العاش رەت «ءتۇرلى-ءتۇرلى تەڭدەستەر» بايقاۋى وتەدى. قالالىق بايقاۋدىڭ ىرىكتەۋ تۋرى 2-13 تامىز ارالىعىندا بولادى. «ۇزدىك الەۋمەتتىك جوبا», «ۇزدىك كاسىپ يەسى», «اقىلدىلار», «ۇزدىك ستۋدەنت», «ۇزدىك ءبيشى», «ۇزدىك ورىنداۋشى», «ۇزدىك ونەرپاز», «التىن قالام», «ەڭ تاتۋ وتباسى», «ۇزدىك سپورتشى» جانە «جەڭىسكە دەگەن جىگەرى ءۇشىن» اتالىمدارى بويىنشا جەڭىمپازدار انىقتالادى.
كەشەندى تەستىلەۋ كەزەڭى
19-22 شىلدە ارالىعىندا تالاپكەرلەر كەشەندى تەست تاپسىرادى. ول 35 تەستىلەۋ بازاسىندا وتەدى. بيىل ۋنيۆەرسيتەتتەر بازاسىنداعى كەشەندى تەستىلەۋگە استانادان 5339 تۇلەك قاتىسپاق. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە 2014 تۇلەك, س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە 3325 تۇلەك ەمتيحان تاپسىرادى.
كۇردەلى وتا جاسالدى
استانادا ونكولوگيالىق اۋرۋعا شالدىققان ناۋقاستارعا وپەراتسيا جاسالدى. كۇردەلى وتا رەسپۋبليكالىق جەدەل مەديتسينالىق جاردەم عىلىمي ورتالىعىندا امەريكانىڭ پيتتسبۋرگ ۋنيۆەرسيتەتىنىڭ مەديتسينا ورتالىعىنان كەلگەن ماماندار كومەگىمەن جۇرگىزىلۋدە. كەلگەلى بەس ادامعا وتا جاسالدى. وپەراتسيا كۇردەلىلىگىنە قاراي 3 ساعاتتان 5 ساعاتقا دەيىن سوزىلدى.
كەشە…
استانادا جاستار ساياساتى ماسەلەلەرى باسقارماسىنىڭ ۇيىمداستىرۋىمەن قۇقىق بۇزۋشىلىقتىڭ الدىن الۋ ماقساتىندا جاس-تار مەن جاسوسپىرىمدەر اراسىندا قالالىق «مەن جانە زاڭ» اكتسياسى ءوتتى. اكتسيا اياسىندا كوڭىل كوتەرۋ ورىندارىندا قۇقىق قورعاۋ ورگاندارىمەن بىرلەسكەن رەيدتەر جۇرگىزىلدى.
بۇگىن…
قازىرگى زامانعى ونەرى مۇراجايىندا «سۋرەتشىلەر شىعارماشىلىعىنداعى باتىرلار» كوشپەلى كورمەسى وتۋدە.
ەرتەڭ…
ۇلتتىق اكادەميالىق كىتاپحانادا «Best For kids» قايىرىمدىلىق جوباسىنىڭ تۇساۋكەسەرى وتەدى.
سانسويلەم…
10380 ەلوردادا التى ايدا وسىنشا ءسابي دۇنيەگە كەلدى.
ەركەجان ساتىمبەك
