ازەريلەردىڭ وپەرا جاۋھارىن تاماشالادى
كەشە قازاق ۇلتتىق ونەر ۋنيۆەرسيتەتىنىڭ ورگان زالىندا «ارشين مال الان» مۋزىكالىق-كومەديالىق وپەرەتتاسى قويىلدى. ەلىمىزدە تۇڭعىش ساحنالانعان وپەرالىق قويىلىم تۇركسوي-دىڭ 20 جىلدىعىنا, تۋىندىنىڭ جازىلعانىنا 100 جىل تولۋىنا جانە اۆتورى, ازەربايجان دراماتۋرگى ۋزەيرا گادجيبەيليدىڭ تۋعانىنا 125 جىل تولۋىنا ارنالدى.
شارا بارىسىندا ءسوز العان حالىقارالىق تۇركسوي ۇيىمىنىڭ باس حاتشىسى دۇيسەن قاسەيىنوۆ:
–جاقىندا قازاقستان مەن ازەربايجان پرەزيدەنتتەرى كەزدەسۋ بارىسىندا تۇركىتىلدەس ەلدەر اراسىنداعى ىنتىماقتاستىقتىڭ ءبىراز جايى تالقىلاندى. ونىڭ ىشىندە تۇركسوي-دىڭ 20 جىلدىعىن اتاپ ءوتۋ ماسەلەسى دە قوزعالدى. تاياۋدا باكۋ كورەرمەندەرىنە كومپوزيتور ەركەعالي راحماديەۆتىڭ «الپامىس» وپەراسى ۇسىنىلدى. بۇگىن, مىنە, ازەريلەردىڭ ۇلتتىق وپەراسىنىڭ جاۋھارىن تاماشالاعالى وتىرمىز, – دەدى. سونداي-اق, ازەربايجاننىڭ قازاقستانداعى توتەنشە جانە وكىلەتتى ەلشىسى زاكير گاشيموۆ قۇتتىقتاۋىن جەتكىزدى. اقىن امانجول التاەۆ مەيماندارعا جىردان شاشۋ شاشتى.
«ارشين مال الان» – ۋزەيرا گادجيبەيليدىڭ تۋىندىلارىنىڭ ىشىندەگى ەڭ ۇزدىك جانە كەڭ تانىلعان مۋزىكالىق كومەدياسى. توقسان بەس جىلدان بەرى كورەرمەن كوزايىمىنا اينالعان قويىلىم ازەربايجاننىڭ كلاسسيكالىق مۋزىكاسىنىڭ التىن قورىنا ەنگەن. ال, اۆتورى بۇكىل الەمدەگى كورنەكتى, تالانتتى كومپوزيتورلاردىڭ قاتارىنان ورىن الدى.
قازاق ۇلتتىق ونەر ۋنيۆەرسيتەتىندە وتكەن قويىلىمدا اگاۆەردي پاشاەۆ, اليك ۋسۋباك, ەسين تالينلي, ازەر زەينالوۆ, مەحسەتي دجاۆاروۆا, نادير حاسيەۆ, ەلۆاز مۋتالليموۆ, امانۋللا يبادۋللاەۆ سىندى ازەربايجان, تۇرىك ارتىستەرىمەن بىرگە ەلىمىزدەگى تاتتىمبەت اتىنداعى اكادەميالىق وركەستر دا ونەر كورسەتتى.
قىتايداعى دونور قازاق جىگىتى
قازاقستانعا ساپارمەن كەلگەن قحر توراعاسى سي تسزينپين نازارباەۆ ۋنيۆەرسيتەتىندە حاينان ۋنيۆەرسيتەتىنىڭ ۇشىنشى كۋرسىندا وقيتىن قازاق ستۋدەنتىنىڭ ۇلگىلى ارەكەتىن قازاق جانە قىتاي دوستىعىنىڭ دانەكەرى رەتىندە اتاپ وتكەن ەدى.
21 جاستاعى رۋسلان تولەنوۆ – اتىراۋدىڭ تۋماسى. ول بەس جىل بۇرىن حاينان ارالدارىنا بارىپ, ەكى جىل قىتاي ءتىلىن مەڭگەرگەن. كەيىن حاينان ۋنيۆەرسيتەتىنە اكىمشىلىك باسقارۋ ماماندىعىنا وقۋعا تۇسەدى. رۋسلان 2009 جىلدان باستاپ ادامدارعا كومەكتەسۋ ءۇشىن قان تاپسىرىپ كەلە جاتقان دونور ەكەن. ءبىر قىزىعى, ونىڭ قانى تەرىس رەزۋس-فاكتورلى. قىتايدا بۇل وتە سيرەك كەزدەسەتىندىكتەن, ونداي دونوردى جويىلىپ بارا جاتقان پاندامەن تەڭەستىرەتىن بولىپ شىققان.
سانسويلەم
22513
ەسىل وزەنىندە بيىلعى جىلدىڭ بەس ايىندا وسىنشاما سەرۋەندەۋشى تاسىمالداندى.
كەشە…
№12 كوپشىلىك كىتاپحانادا ورالحان بوكەيدىڭ 70 جىلدىعىنا ارنالعان كىتاپ كورمەسى ۇيىمداستىرىلدى.
بۇگىن…
بەيبىتشىلىك جانە كەلىسىم سارايىندا «جەرۇيىق» روك-وپەراسىنىڭ پرەمەراسى ءوتتى.
ەرتەڭ…
«كۇز سىيى» كورمەسى جابىلادى
تاڭاتار تولەۋعاليەۆ
