قازاقستان تاۋەلسىزدىگىنىڭ 30 جىلدىعى قارساڭىندا ەلوردادا «تەاتر all Nur-Sultan theatre week» تەاتر فەستيۆالى وتەدى. وعان قالانىڭ جانە شەتەلدىڭ 11 ۇزدىك ۇجىمى قاتىسىپ, 20-دان استام قويىلىم كورسەتەدى.
تەاتر فەستيۆالى ەلوردادا 28 قازان مەن 1 قاراشا ارالىعىندا وتەدى. «استانا وپەرا» تەاترى مەن قاليبەك قۋانىشباەۆ اتىنداعى قازاق مەملەكەتتىك اكادەميالىق مۋزىكالىق-دراما تەاترى ۇزدىك قويىلىمدارىن كورسەتەدى. ءا.مامبەتوۆ اتىنداعى مەملەكەتتىك دراما جانە كومەديا تەاترى, م.گوركي اتىنداعى مەملەكەتتىك اكادەميالىق ورىس دراما تەاترى, سونداي-اق ەلوردالىق قۋىرشاق تەاترى, مۋزىكالىق جاس كورەرمەن تەاترى, «جاستار», «ناز», «Astana Musical» تەاترى دا ءوز ونەرلەرىن ورتاعا سالادى. فەستيۆالدىڭ قۇرمەتتى قوناقتارى رەتىندە ەلورداعا كىشى Bronnaya ماسكەۋ دراما تەاترى جانە مەملەكەتتىك اكادەميالىق قۋىرشاق تەاترىنىڭ شىعارماشىلىق ۇجىمدارى شاقىرىلدى.
بەس كۇن بويى ەلوردانىڭ تەاتر ساحنالارىندا فەستيۆال قاتىسۋشىلارى وزدەرىنىڭ جەتەكشى سپەكتاكلدەرىمەن ونەر كورسەتەدى, سونداي-اق شەبەرلىك سىنىپتارى, زاماناۋي جانە بەينەلەۋ ونەرىنىڭ كورمەلەرى ۇيىمداستىرىلادى. فەستيۆال باعدارلاماسىنا «قىز جىبەك» وپەراسى, «اباي-توعجان» مۋزىكالىق دراماسى, «قۇنانباي», «جارقانات», «رومەو مەن دجۋلەتتا», «جىبەك» سپەكتاكلدەرى, «جيزەل» قويىلىمدارى كىرەدى.
«بۇل مادەني شارانىڭ ماقساتى – مادەنيەت قايراتكەرلەرىن قولداۋ, كورەرمەندەر ءۇشىن دە, فەستيۆال قاتىسۋشىلارى ءۇشىن دە مەرەكەلىك كوڭىل كۇي قالىپتاستىرۋ. فەستيۆالدى وتكىزۋگە العاش رەت قالانىڭ بارلىق ينفراقۇرىلىمى, ونىڭ ىشىندە شاعىن جانە ورتا بيزنەس تارتىلادى. تەاتر اپتالىعى كەزىندە كورمەلەر, تەاتر ساحناسىنىڭ جەتەكشى تەاترلارى مەن مەترلەرىنىڭ ءتۇرلى شەبەرلىك سىنىپتارى ۇيىمداستىرىلادى, سونداي-اق قالا تۇرعىندارى اراسىندا سپەكتاكلدەردىڭ قىزىقتى پرەمەرالىق قويىلىمدارىنا بيلەتتەر ويناتىلادى. تەاتر اپتالىعىن ۇيىمداستىرۋعا قاتىستى بارلىق اقپارات www.visitnursultan.kz سايتىندا ورنالاستىرىلادى» دەپ حابارلادى بۇعان دەيىن ەلوردا اكىمى التاي كولگىنوۆ.
تاۋەلسىزدىكتىڭ 30 جىلى ىشىندە ەلوردانىڭ مادەني ءومىرى ايتارلىقتاي وزگەرگەنىن اتاپ وتكەن ءجون. وسى جىلدار ىشىندە قالادا 10-نان استام تەاتر اشىلدى.
