جاڭالىقتار
نۇرسۇلتان نازارباەۆ قحر توراعاسى سي تسزينپينگە ەلدە بولعان سۋ تاسقىنىنا بايلانىستى كوڭىل ايتۋ جەدەلحاتىن جولدادى
قازاقستان پرەزيدەنتى نۇرسۇلتان نازارباەۆ قىتاي حالىق رەسپۋبليكاسىنىڭ توراعاسى سي تسزينپينگە ەلدە بولعان سۋ تاسقىنىنا بايلانىستى كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى قىتايدىڭ بىرقاتار پروۆينتسياسىندا كوپتەگەن ادامنىڭ ءومىرىن الىپ كەتكەن سۋ تاسقىنى تۋرالى سۋىت حاباردى زور كۇيزەلىسپەن قابىلدادى.
قازاقستان پرەزيدەنتى اۋىر قايعىعا ورتاقتاسا وتىرىپ, دۇلەي اپاتتان قازا بولعانداردىڭ تۋىستارى مەن جاقىندارىنا كوڭىل ايتتى.
بۇدان بولەك, نۇرسۇلتان نازارباەۆ سۋ تاسقىنى سالدارىن تەزىرەك جويىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
