كەشە وڭتۇستىك كورەيانىڭ پحەنچحان قالاسىنان اقجولتاي اقپارات جەتتى. پاراليمپيادا تاريحىندا قازاقستان سپورتشىسى تۇڭعىش رەت التىن مەدال جەڭىپ الدى.
شاڭعى سپورتىنىڭ باعدارلاماسى بويىنشا 1,5 كيلومەترلىك سپرينت جارىسىندا قازاقستاندىق الەكساندر كوليادين مارە سىزىعىن ءبىرىنشى بولىپ كەستى. اياعىندا پروتەزى بار جەرلەسىمىز جارىس جولىن 4 مينۋت 19,7 سەكۋندتا باعىندىردى.
كۇمىس جۇلدەگە جاپونيالىق يوشيرا نيتتا يە بولسا, قولا مەدال كانادالىق مارك ارەنتسكە بۇيىردى.
قوستانايلىق شاڭعىشىنىڭ قۇرمەتىنە وليمپ تۇعىرىندا قازاقستاننىڭ كوك بايراعى كوتەرىلىپ, ءانۇرانى شىرقالدى.
